سپر فوڈ کہلایا جائے والا کیلا جسمانی صحت کیلئے بہترین قرار

کیا آپ کو معلوم ہے کہ کیلے کو سپر فوڈ بھی کہا جاتا ہے جس میں فائبر کی مقدار کافی زیادہ ہوتی ہے جو پیٹ کو بھرے رکھنے میں مدد فراہم کرتا ہے، اسی طرح کیلوں میں ایسے وٹامنز موجود ہوتے ہیں جو جسم کے لیے بہترین ہوتے ہیں۔

یہ پھل پوٹاشیم اور پیسٹین (فائبر کی ایک قسم) سے بھرپور ہوتا ہے اور اس کے ذریعے جسم کو میگنیشیم، وٹامن سی اور بی سکس بھی مل جاتے ہیں، ہوسکتا ہے کہ آپ کو علم نہ ہو مگر روزانہ کیلے کھانا صحت کے لیے بہت فائدہ مند ثابت ہوتا ہے، جن میں سے کچھ فوائد درج ذیل ہیں۔
ایک بڑے کیلے میں 120 کیلوریز اور 490 ملی گرام پوٹاشیم ہوتی ہے جو خواتین کو روزانہ مقدار کا 19 فیصد جبکہ مردوں کا 15 فیصد حصہ ہے، یہ غذائی جز خون کی شریانوں کو سکون پہنچاتا ہے جس سے بلڈ پریشر کو کنٹرول کرنے میں مدد ملتی ہے جبکہ پوٹاشیم اضافی نمکیات کو بھی جسم سے خارج کرتا ہے، کیلے وٹامن بی 6 کے حصول کا بھی اچھا ذریعہ ہے جو مدافعتی نظام، اعصابی نظام اور دماغ کے لیے ناگزیر ہے۔

پروٹین سے بھرپور غذائیں ہارٹ اٹیک، فالج سے بچائو میں مددگار

پوٹاشیم سے بھرپور غذائی بلڈ پریشر کو کنٹرول میں رکھنے میں مدد فراہم کرتا ہے کیونکہ یہ پیشاب کے راستے زیادہ نمکیات کو خارج کرتا ہے۔کیلے آسانی سے ہضم ہونے والا پھل ہے، اسی لیے ڈاکٹر بدہضمی یا پیٹ درد سے مقابلے کے لیے اکثر کیلے کھانا کا مشورہ دیتے ہیں، تحقیق سے عندیہ ملا ہے کہ کیلوں سے سخت ورزش سے جسم پر مرتب ہونے والے منفی اثرات کو تیزی سے زائل کرنے میں مدد ملتی ہے۔
اس میں موجود قدرتی مٹھاس ناشتے میں میٹھی اشیا سے دور رکھنے میں مدد فراہم کرتی ہے۔ کیلے کا شیک پینے سے بھی صحت کو فائدہ ہوتا ہے۔غذائی فائبر جسم کے لیے بہت اہم ہے اور ایک کیلے میں اوسطاً 3 گرام فائبر ہوتا ہے، جو روزانہ درکار مقدار کے 10 فیصد حصے کے برابر ہے۔