چیئرمین تحریک انصاف وسابق وزیر اعظم عمران خان نے آج انسداد دہشتگردی کی عدالت میں پیش نہ ہونے کا فیصلہ کیا ہے۔

عمران خان نے ضمانت قبل از گرفتاری کے لیے اپنی قانونی ٹیم سے مشاورت کی جس کے بعد انہوں نے انسداد دہشتگردی کی عدالت میں پیش نہ ہونے کا فیصلہ کیا۔

باخبر ذرائع کے مطابق عمران خان اپنی قانونی ٹیم کے اراکین سے آج سہ پہر ملاقات کریں گے جس کے بعد وہ سیاسی کمیٹی کے اراکین سے بھی مشاورت کریں گے۔

ذرائع کا کہنا تھا عمران خان کے ہری پور جلسے کے بعد انسداد دہشتگردی کی عدالت میں جانے کا امکان ہے۔

پیمرا کی پابندی عمران خان کو الطاف حسین بنانے کا آغاز

یاد رہے کہ پولیس افسران اور خاتون جج کو دھمکی کے مقدمے میں اسلام آباد ہائیکورٹ نے عمران خان کی تین روز کے لیے راہداری ضمانت منظورکی تھی۔