شادی کرو ورنہ نوکری سے نکال دیا جائے گا،کمپنی کی دھمکی

‘شادی کرو ورنہ نوکری سے نکال دیا جائے گا ،چینی کمپنی نےکنوارے اور طلاق یافتہ ملازمین کیلئے انوکھی پالیسی کا اعلان کردیا۔

چینی میڈیا کے مطابق صوبہ شانڈونگ میں قائم کیمیکل کمپنی نے جنوری میں نوٹس کے ذریعے پالیسی کااعلان کیاجس میں دھمکی دی گئی کہ ستمبرتک اگر سنگل یا طلاق یافتہ ملازمین نےشادی نہیں کی تو انہیں نوکری سےنکال دیاجائے گا۔

کمپنی کی پالیسی میں28 سے58 سال کی عمرکےسنگل اورطلاق یافتہ ملازمین کو شادی کرنے کا کہا گیا تھا۔جس کا مقصد شادی شدہ ملازمین کی شرح میں اضافہ کرنا تھا۔

نوٹس میں کہا گیا کہ جن ملازمین نےمارچ تک شادی نہ کی انہیں پہلےاپنی غلطی پر معذرت کا خط جمع کرانا پڑےگا۔جون تک غیرشادی شدہ رہنےوالےملازمین کی جانچ پڑتال کی جائے گی اور اگر انہوں نے ستمبر تک شادی نہ کی تو بالآخر انہیں نوکری سے نکال دیا جائے گا۔اس پالیسی پر عوام کی جانب سے کمپنی کو شدید تنقید کا نشانہ بنایا گیا۔

قانونی ماہرین  نے پالیسی کو آئین کےخلاف قراردیا اور کہا کہ چین کےلیبر قوانین کے تحت کمپنیاں ملازمین سےشادی یابچوں کی منصوبہ بندی کےبارےمیں سوال نہیں کر سکتیں۔