حکومت کا جعفر ایکسپریس کل سے بحال کرنے کا اعلان

وزیر ریلوے حنیف عباسی نے جعفر ایکسپریس کل سے بحال کرنے کا اعلان کرتے ہوئے کہاکہ جعفر ایکسپریس کل پشاور سے کوئٹہ روانہ ہوگی اور پرسوں کوئٹہ سے سفر شروع کرے گی۔

وزیر ریلوے حنیف عباسی نے کوئٹہ میں پریس کانفرنس کرتے ہوئے کہاکہ بولان میل ہفتے میں7 روز چلی گی، عید اسپیشل ٹرین 29 مارچ کو کوئٹہ سےروانہ ہوگی، عید کےپہلے تین دنوں کےلیے 20 فیصد رعایت رکھی گئی ہے۔

حنیف عباسی نے کہاکہ جعفر ایکسپریس پر حملہ بڑا افسوسناک واقعہ ہے،قیمتی جانوں کے ضیاع پر افسوس ہے،دہشت گردوں نے زبان، قوم اور فرقوں کی بنیاد پر حملہ کیا جب کہ دنیا بھر نے اس حملے کی مذمت کی ہے ۔

انہوں نے کہاکہ ملک بھر میں جاری دہشت گردی پاکستان کےخلاف منصوبہ سازی ہے،ہمارے لوگ دہشت گردوں کو معاونت فراہم کرتےہیں، اس لیے وہ کامیاب ہوتےہیں۔

مرکزی رہنما مسلم لیگ ن حنیف عباسی نے کہاکہ ہم چھٹی ایٹمی طاقت ہیں، اس لیے ملک میں دہشت گردی کو پروان چڑھانے کی کوشش کی جا رہی ہے۔

انہوں نے کہاکہ ملک کی بہادر سکیورٹی فورسز کو خراج تحسین پیش کرتے ہیں،ٹرین پر حملے کےبعد سکیورٹی فورسز کا ردعمل قابل اطمینان تھا، ضرار کمپنی کے کمانڈوز نے جانیں خطرے میں ڈال کر لوگوں کی جانیں بچائیں۔

لیگی رہنما نےکہا کہ جعفر ایکسپریس حملے کےبعد دو روز میں ٹریک کو فعال کر دیا گیا تھا۔

وزیر ریلوے نے کہا کہ سیکورٹی اور حکومتی دونوں سطحوں پر فیصلہ ہو چکا کہ دہشت گرد جہاں ہوں گے ان کا پیچھا کیا جائے گا،انہوں نے کہاکہ حملے میں ملوث بہت سے دہشت گرد ہلاک کردیے گئے ہیں۔

تجارت کی معطلی کے باوجود بھارت سے درآمدات میں دوبارہ اضافہ

وفاقی وزیر حنیف عباسی نے کہاکہ ایک انسان کا قتل پوری انسانیت کا قتل ہے، آپ نے کبھی سنا کہ راولپنڈی میں کوئی بلوچ مارا گیا ہو،پوری بلوچ قوم نہیں چند لوگ ہیں جو پنچابی کےخلاف ہیں۔