اربوں کی کرپشن کا الزام،پرویزالٰہی فرد جرم  کیلئےعدالت طلب

احتساب عدالت نےاربوں روپے کی کرپشن اور کک بیکس وصولی کیس میں فرد جرم عائد کرنے کیلئےپرویز الٰہی کوطلب کرلیا۔

ترقیاتی  منصوبوں میں اربوں روپے کی کرپشن اور کک بیکس وصولی ریفرنس کی سماعت احتساب عدالت کےجج زبیر شہزاد کیانی کےروبرو ہوئی، جس میں عدالت نے پرویز الٰہی اوردیگرملزمان کےخلاف ریفرنس پر سماعت18 دسمبر تک ملتوی کر دی ۔

سماعت میں سابق وزیراعلیٰ چودھری پرویز الٰہی آج بھی احتساب عدالت میں پیش نہیں ہوئےجبکہ ان کی جانب سےحاضری معافی کی درخواست دائرکردی گئی، جسےعدالت نےمنظور کرلیا۔

وکیل نےعدالت کو بتایا کہ آئندہ سماعت پر پرویزالٰہی کو فردجرم  کیلئےپیش کردیں گے۔نیب پراسیکیوشن نے دوران سماعت کہا کہ ایک ملزم کے پیش نہ ہونے پر ملزمان پر فرد جرم عائد نہیں ہو پا رہی۔

عدالت نےریمارکس دیئےکہ ملزمان پر  فرد جرم عائد کرنی ہے،آئندہ سماعت پر پرویز الٰہی کو ایک بار پیش کر دیں۔جیسے  وہ گاڑی میں  اسپتال جاتے ہیں، ویسے ہی یہاں حاضری کیلئےآ جائیں۔