ایپل نے سستا ترین موبائل فون متعارف کرا دیا

موبائل فون بنانے والی معروف کمنی ایپل نے رواں سال کا سستا ترین آئی فون متعارف کرا دیا ہے، جس کے ایسے ہیں کہ لوگوں کو ایک ہزار ڈالر والے فون کی ضرورت نہیں پڑے گی۔

کمپنی کے مطابق آئی فون ایس ای کا تھرڈ جنریشن ماڈل ہمارا سستا ترین 5 جی فون بھی ہے جو کمپنی کے ایک ورچوئل ایونٹ میں پیش کیا گیا۔آئی فون ایس ای (2022) میں اے 15 بائیونک پراسیسر موجود ہے جو آئی فون 13 سیریز میں بھی دیا گیا ہے، یعنی یہ آئی فون 13 جتنا ہی طاقتور ہے۔ اے 15 بائیونک چپ سے بیٹری لائف بھی بہتر ہوئی ہے، جبکہ اس فون میں 2020 کے آئی فون ایس ای کے مقابلے میں زیادہ بڑی بیٹری موجود ہے۔اس نئے اپیل فون پر 15 گھنٹے ویڈیو دیکھی جاسکتی ہے، جبکہ 50 گھنٹے تک آڈیو کو چلایا جاسکتا ہے۔

اس موبائل آئی فون میں 4.7 انچ کا ڈسپلے اور بائیو میٹرک ان لاک کے لیے ٹچ آئی ڈی سنسر موجود ہے جبکہ واٹر ریزیزٹنس کے لیے آئی پی 67 ریٹنگ دی گئی ہے۔جبکہ اس میں وائرلیس چارجنگ سپورٹ موجود ہے.فون کے فرنٹ پر سنگل جبکہ بیک پر بھی 12 میگا پکسل کا ایک ہی کیمرا دیا گیا ہے۔اس کیمرے میں ڈیپ فیوژن اور ایچ ڈی آر 4 سپورٹ بھی موجود ہے جو ہائی کنٹراسٹ مناظر کو زیادہ بہتر طریقے سے ہینڈل کرتے ہیں جبکہ نوائز کو کم کرتے ہیں، اور یہ فیچر آئی فون 13 میں بھی ہے.

عالمی منڈی میں تیل اورگیس کی قیمتیں آسمان سے باتیں کرنے لگیں

کمپنی کا دعویٰ ہے کہ نئے آئی فون ایس ای کا فرنٹ اور بیک گلاس پینل اسمارٹ فونز کی دنیا میں سخت ترین گلاس ہے۔

کمپنی کے مطابق آئی فون ایس 2022 64، 128 اور 256 جی بی اسٹوریج میں دستیاب ہوں گے جو پری آرڈر میں 11 مارچ جبکہ مختلف ممالک میں 18 مارچ میں فروخت کے لیے پیش کیے جائیں گے۔اس فون کا 64 جی بی اسٹوریج والا ماڈل 429 ڈالرز (76 ہزار پاکستانی روپے سے زائد) میں فروخت کیا جائے گا۔اس ایونٹ میں کمپنی کی جانب سے نیا ڈیسک ٹاپ میک، ایکسٹرنل مانیٹر سیلیکون لائن اپ ایم 1 الٹرا (جو میک اسٹوڈیو میں دستیاب ہوگی)، نیا آئی پیڈ، آئی او ایس 15.4 اور ایپل ٹی وی پلس کو بھی متعارف کرایا۔