ملکی اداروں کے خلاف اشتعال انگیز تقریر میں سہولت کاری کے مقدمے میں گرفتار متحدہ کے رہنما اور سابق وزیر بابر غوری کو رہا کر دیا گیا ہے۔
تفتیشی افسر محبوب الٰہٰی کے مطابق بابر غوری کو شواہد نہ ہونے کی بنا پر رہا کیا گیا، قبل ازیں ایم کیو ایم رہنما کو عدالت میں پیش کیا گیا، جہاں پولیس نے اپنی رپورٹ جمع کرائی، متحدہ رہنما بابر غوری کو 4 اور 5 جولائی کی درمیانی شب وطن واپسی پر کراچی ائیرپورٹ سے حراست میں لیا گیا۔

عطا اللہ تارڑ نے فرح خان کے لیگل نوٹس کا جواب دیدیا

پولیس کے مطابق ایم کیو ایم رہنما کے خلاف تفتیش کے دوران ٹھوس شواہد نہیں ملے، ملزم کو متعدد امراض بھی لاحق ہیں، پولیس نے رپورٹ میں بابر غوری کو رہا کرنے کی سفارش کرتے ہوئے کہا کہ افسران سے ملزم کو ضابطہ فوجداری کےتحت رہا کرنے کی منظوری لی ہے، لہٰذا بابر غوری کو ضمانت پر رہا کیا جائے۔
تفتیشی افسر کے مطابق پولیس کو اس حوالے سے اختیار ہے کہ ضابطہ فوجداری کی دفعہ 169 کے تحت ملزم کو ضمانت پر رہا کردے۔ عدالت کو بھی اس حوالے سے آگاہ کیا جائے گا، ایم کیوایم رہنما بابرغوری کےخلاف سائٹ سپر ہائی وے صنعتی ایریا تھانے میں مقدمہ درج تھا۔