بنگلادیشی کرکٹرتمیم اقبال آئی سی یو میں زیر علاج، 24 گھنٹے اہم قرار

بنگلا دیش کرکٹ ٹیم کےسابق کپتان تمیم اقبال کی صحت میں بہتری کی امید پیدا ہوگئی ہے۔

بنگلا دیشی میڈیا کےمطابق کرکٹر تمیم اقبال اب ریکوری کی جانب بڑھ رہے ہیں تاہم اگلے 24گھنٹے اب بھی اہم ہیں، تمیم انتہائی نگہداشت کےیونٹ میں ہیں۔

مقامی  میڈیا کا بتانا ہے کہ تمیم اقبال نے گزشتہ شب فیملی ممبر کےسہارے ہلکی موومنٹ بھی کی اورحکومتی سطح پر تمیم کاخیال رکھا جا رہا ہے۔

بنگلادیشی کرکٹر تمیم اقبال کو دوران میچ دل کا دورہ پڑ گیا

مقامی میڈیا کا بتانا ہے کہ تمیم اقبال ڈینجر زون سےنکل چکے،اگر کوئی پیچیدگی نہ ہوئی تو اگلے 24 گھنٹوں میں تمیم مزید بہتر ہوں گے۔

بنگلادیشی میڈیا کےمطابق دل کا دورہ پڑنے کےبعد تمیم اقبال گراؤنڈ میں ہی کوما میں چلے گئے تھے۔

بنگلادیشی کرکٹر تمیم اقبال کو گزشتہ روز ڈھاکا پریمیئر لیگ کےمیچ کےدوران دل کا دورہ پڑا تھا جس کےبعد ان کی ایمرجنسی میں مقامی اسپتال میں انجیو پلاسٹی کی گئی تھی۔