فواد خان اور صنم سعید ویب سیریز میں پھر ایک ساتھ
10 سال قبل ’’زندگی گلزار ہے‘‘ ہے جیسے سپر ہٹ ڈرامے سے پاکستان سمیت دنیا بھر میں مقبولیت حاصل کرنے والے اداکار فواد خان اور اداکارہ صنم سعید ایک مرتبہ پھر ایک نئے پراجیکٹ میں اکٹھے جلوہ گر ہونے جا رہے ہیں، دونوں سپر سٹارز ویب سیریز میں صلاحیتوں کے جوہر دکھا رہے ہیں جوکہ زی فائیو پر ریلیز ہوگی۔
اس ویب سیریز کا نام ابھی تک سامنے نہیں آیا مگر اس کی عکسبندی مکمل ہو گئی ہے جبکہ اس کی ہدایات عاصم عباسی دے رہے ہیں جو ویب سیریز چڑیلز اور فلم کیک کے ڈائریکٹر بھی ہیں۔
اس ویب سیریز میں سپر نیچرل فنٹاسی اور جادوئی حقیقت کا امتزاج دکھایا جائے گا، فواد اس میں ایک تنہا زندگی گزارنے والے والد کے روپ میں نظر آئیں گے اور ان کا کردار کوشش کرے گا کہ وہ ایسے باپ بن سکیں جو ان کے والد نہیں بن سکے تھے۔
صنم سعید اس سیریز میں سب کو اکٹھا کرنے والے کردار میں نظر آئیں گی، فواد خان نے ویب سیریز کی شوٹنگ کی تصویر کچھ عرصے پہلے شیئر کی تھی اور بتایا تھا کہ یہ خاندان کے ملنے بچھڑنے کی ایسی داستان ہے جو کہ افسانوی دنیا سے تعلق رکھتی ہے۔
صنم سعید نے بھی کچھ تصاویر شیئر کرتے ہوئے بتایا کہ دور دراز کی ایسی افسانوی دنیا میں آپ اس جوڑی کو دیکھ کر پرجوش ہو جائیں گے، ہم بالکل مختلف انداز میں زبردست کاسٹ، کریو اور کہانی کے ساتھ واپس آ رہے ہیں، ان تصاویر سے تصدیق ہوئی تھی، اس ویب سیریز کی شوٹنگ گلگت بلتستان کی وادی ہنزہ میں ہوئی تھی۔
ڈائریکٹر عاصم عباسی نے بتایا کہ یہ ان کے لیے خاص پراجیکٹ تھا جس پر 5 ماہ تک کام جاری رہا ہے اور یہ ان کی زندگی کا سب سے بڑا چیلنج بھی تھا، کاسٹ نے زبردست کام کیا اور کچھ نے تو اپنی زندگی سب سے بہترین اداکاری کی، ویسے تو سیریز کی شوٹنگ اچھی رہی مگر آخری دن بہت زیادہ ایکشن پیک تھا۔
مجھے یاد ہے کہ شوٹ کے لیے جس گاڑی کی ضرورت تھی وہ کام نہیں کر رہی تھی تو میری ذاتی گاڑی کو استعمال کیا گیا۔ اس انہون نے بتایا کہ سین کے لیے فواد کو سنگل لین روڈ پر تیزی سے یوٹرن لینا تھا اور یہ پرفیکٹ شوٹ ہوا مگر میری گاڑی کے لیے اب نئے ٹائروں کی ضرورت ہے۔
ویب سیریز مسز اینڈ مسٹر شمیم کا ٹریلر جاری
خیال رہے کہ زی 5 کا آغاز 2020 میں چڑیلز سے ہوا تھا اور اب تک 50 شوز ریلیز کیے جا چکے ہیں، اس میں کئی پاکستانی ویب شوز جیسے دھوپ کی دیوار اور قاتل حسیناؤں کے نام نشر کیے گئے جبکہ جلد ہی نعمان اعجاز اور صبا قمر کی ویب سیریز مسٹر اور مسز شمیم کو بھی ریلیز کیا جائے گا۔
اس فلم میں نمانزا زنانہ خصوصیات رکھنے والے مرد کا کردار ادا کر رہے ہیں جبکہ صبا قمر ان کی بیوی کا کردار نبھا رہی ہیں۔
Fawad Khan and Sanam Saeed together again in web series video News
