فضل الرحمان کی قطرآمد،حماس رہنماؤں سے ملاقاتیں
جے یوآئی کے سربراہ مولانافضل الرحمان وفد کے ہمراہ قطرپہنچ گئے،حماس کے رہنماؤں سے ملاقاتیں جاری ہیں۔
فلسطین کی مزاحمت کار تنظیم حماس کی مجلس شوریٰ کے سربراہ ابو عمر نے کہا ہے کہ مولانا فضل الرحمان اور جے یو آئی امت مسلمہ کی طرف سے فرض کفایہ ادا کر رہے ہیں۔
جے یو آئی سربراہ مولانا فضل الرحمان وفد کے ہمراہ قطر پہنچ گئے جہاں اُن کی حماس رہنماؤں اور مجلس شوریٰ کے سربراہ سے ملاقات ہوئی۔
ترجمان جے یو آئی کے مطابق مولانافضل الرحمان اور حماس کی مجلس شوری کے سربراہ ابو عمر دونوں نے وفود کی قیادت کی۔ ملاقات میں غزہ و فلسطین کی تازہ صورتحال پر تبادلہ خیال کیا گیا۔ملاقات میں فضل الرحمان نےحماس رہنماؤں کو ہر قسم کے تعاون کی یقین دہانی کراتے ہوئے کہا کہ فلسطین آزاد ریاست ہے ، اسرائیلی قبضے کی حمایت نہیں کی جاسکتی، مسجد اقصٰی اور فلسطین کی آزادی کے لئے فلسطینی عوام کی جدوجہد کی حمایت کرتے ہیں۔
حماس کی مجلس مجلس شوریٰ کے سربراہ نے تعاون پر مولانا فضل الرحمان کا شکریہ ادا کرتے ہوئے کہا کہ مولانا فضل الرحمان اور جے یو آئی امت مسلمہ کی طرف سے فرض کفایہ ادا کر رہے ہیں۔انہوں نے کہا کہ غزہ میں گھروں کی تعمیر ،خیموں ،ادویات اور رمضان میں سحر وافطار کیلئےپاکستانی عوام اور امت مسلمہ تعاون کی اپیل کرتے ہیں۔
مولانا فضل الرحمان نے بھی پاکستانی عوام سے اپیل کی کہ وہ اپنے فلسطینی بھائیوں کے ساتھ بھرپور تعاون کریں۔ جے یو آئی وفد میں مولانا راشد محمود سومرو اور مفتی ابرار احمد خان شامل تھے۔
