غزہ جنگ بندی معاہدہ،حماس نے6یرغمالیوں کورہا کردیا

فلسطین کی مزاحمتی تحریک حماس نےغزہ جنگ بندی معاہدےکےتحت602 فلسطینی قیدیوں کےبدلے6 اسرائیلی یرغمالیوں کوریڈ کراس کےحوالےکردیا۔

حماس نے 2اسرائیلی یرغمالیوں کورفح میں ریڈ کراس کےحوالےکیا جبکہ  3اسرائیلی یرغمالی نصیرات کیمپ میں ریڈکراس کےحوالے کیے گئے۔

رپورٹس میں بتایا جا رہا ہے کہ یرغمالی ہشام السیدکو غزہ سٹی میں بغیرکسی تقریب کے اسرائیلی فوج کےحوالےکیا جائےگا۔

حماس کاحوالے سے کہنا ہے کہ یرغمالیوں کی رہائی کا منظر فلسطینی عوام، مزاحمتی دھڑوں کے اتحاد کا عکاس ہے،فلسطینی عوام اور مزاحمتی دھڑوں کے درمیان ہم آہنگی گہری اور مضبوط ہے، آج یرغمالیوں کی حوالگی کے دوران عوام کی بڑی تعداد دشمن اور اس کے حامیوں کے لیے نیا پیغام ہے۔

دو روز قبل حماس نے 4 اسرائیلی یرغمالیوں کی لاشیں ریڈ کراس کے سپرد کی تھیں جس کے بدلے اسرائیل نے بھی فلسطینیوں کے جسد خاکی ریڈ کراس کے حوالے کی تھیں۔