جی ایچ کیو حملہ کیس : علی امین گنڈاپور سمیت 25 ملزمان کے ناقابل ضمانت وارنٹ گرفتاری جاری
جی ایچ کیو حملہ کیس میں پی ٹی آئی رہنماؤں سمیت 25 غیر حاضر ملزمان کے نا قابل ضمانت وارنٹ گرفتاری جاری کردیے گئے۔
عدالت کی جانب سے نا قابل ضمانت وارنٹ گرفتاری جاری کیے جانےوالے پی ٹی آئی رہنماؤں میں وزیر اعلیٰ خیبرپختونخوا علی امین گنڈاپور،شبلی فراز، شہریار آفریدی،کنول شوزب، کرنل شبیر،راشد حفیظ اور عمر تنویر بٹ شامل ہیں۔
جی ایچ کیو حملہ کیس کی سماعت آج اڈیالہ جیل میں ہونی تھی تاہم سماعت اے ٹی سی جج امجد علی شاہ کے رخصت ہونےکے باعث ملتوی کی گئی۔
گزشتہ سماعت پر عمران خان سمیت 89 رہنماؤں اور کارکنان پر فرد جرم عائد کی گئی تھی۔
عدالت نے سی پی او راولپنڈی کو وارنٹ گرفتاری پر تعمیل کروانےکا حکم بھی دے رکھا ہے جب کہ ملزمان کو آج گرفتار کرکے عدالت پیش کرنے کا حکم دیا گیاتھا۔
وارنٹ گرفتاری انسداد دہشت گردی کی خصوصی عدالت کے جج امجد علی شاہ کی جانب سےجاری کیے گئےتھے۔ملزمان کے ناقابل ضمانت وارنٹ گرفتاری گزشتہ سماعت پر عدم حاضری کی بناء پر جاری کیےگئے تھے۔
پیپلز پارٹی اور مسلم لیگ (ن) کے درمیان مذاکرات کا پہلا دور بے نتیجہ ختم
بعد ازاں جی ایچ کیو حملہ کیس کی سماعت 13 دسمبر تک ملتوی کر دی گئی۔
