آئندہ سال سرکاری حج پیکج کتنےکاہوگا؟ کابینہ نےمنظوری دیدی

آئندہ سال سرکاری حج پیکج کتنےکا ہوگا؟وفاقی کابینہ نےحج پالیسی 2025 کی منظوری دے دی۔

وزیراعظم شہبازشریف کی زیرصدارت وفاقی کابینہ کااجلاس ہواجس میں کابینہ نے حج پالیسی 2025 کی منظوری دی۔

ذرائع کا کہناہے کہ  حج پالیسی کی تفصیلات میں بتایا گیا کہ آئندہ سال ایک لاکھ79ہزار210عازمین حج کی سعادت حاصل کرسکیں گے۔

پاکستان اور ایران کادہشتگردی کے چیلنجز سے مل کر نمٹنے پر اتفاق

ذرائع کے مطابق حج پالیسی کے تحت حج کوٹا گورنمنٹ اسکیم اورپرائیویٹ حج اسکیم میں 50 فیصد کے تناسب سےتقسیم ہوگا جب کہ سرکاری حج پیکج 10لاکھ65 ہزار سے10لاکھ75ہزارکےدرمیان ہوگا۔

ذرائع کا بتانا ہےکہ  منظوری کےبعدحج درخواستوں کی وصولی کا شیڈول جاری ہوگا اور بینکوں کےانتخاب کے لیےخواہش مند بینکوں سے 25 اکتوبر تک کوا ئف طلب کیے جائیں گے۔

ذرائع کےمطابق  منظورشدہ ڈرافٹ وزارت مذہبی امور کوبھجوائے گی جس کے بعدوزارت مذہبی امورحج پالیسی 2025کا باقاعدہ اعلان کرےگی۔