عمران خان نے اپنی لیگل ٹیم سے وکیل فیصل چوہدری کو نکال دیا
بانی پی ٹی آئی عمران خان کی ہدایت پر وکیل فیصل چوہدری کو لیگل ٹیم سے نکال دیا گیا ہے۔
ذرائع کےمطابق فیصلہ اڈیالہ جیل میں عمران خان سے وکلا کی ملاقات کے دوران کیاگیا اور سلمان اکرم راجہ نے فیصل چوہدری کے بیانات سے متعلق عمران خان کو آگاہ کیا۔
بعد ازاں عمران خان نے فیصل چوہدری کو لیگل ٹیم سے نکالنے کی منظوری دی،فیصل چوہدری کو پی ٹی آئی وکلا کے واٹس ایپ گروپ سے بھی نکال دیاگیا۔
ذرائع کےمطابق فیصل چوہدری سے مقدمات اور دیگر قانونی ذمہ داریاں واپس لےلی گئیں۔
عمران خان سے وکلا کی ملاقات کے دوران مشعال یوسفزئی کے حوالے سے بھی گفتگو ہوئی اور بشریٰ بی بی نے مشعال یوسفزئی کو اگلی ملاقات میں شامل کرنےکی ہدایت کردی۔
