مریم نواز، شاہد خاقان کیخلاف توہین عدالت کی اپیل خارج

مسلم لیگ ن کی نائب صدر مریم نواز اور سابق وزیراعطم شاہد خاقان عباسی کے خلاف توہین عدالت کی اپیل خارج کر دی گئی ہے۔
اسلام آباد ہائی کورٹ کے دو رکنی بینچ نے چیف جسٹس ثاقب نثار پر تنقید کرنے پر مسلم لیگ (ن) کی نائب صدر مریم نواز اور سابق وزیراعظم شاہد خاقان کے خلاف توہین عدالت اپیل خارج کر دی گئی۔
اسلام آباد ہائیکورٹ نے سنگل بینچ کے چیف جسٹس اطہر من اللہ کا فیصلہ برقرار رکھتے ہوئے اپیل خارج کر دی، اس سے پہلے سنگل بنچ نے درخواست ناقابل سماعت قرار دی تھی۔
مقامی وکیل نے سنگل بینچ فیصلے کیخلاف اپیل دائر کی تھی، تاہم اب ڈویژن بنچ نے بھی درخواست ناقابل سماعت قراردیدی اور جسٹس میاں گل حسن اورنگزیب اور جسٹس ارباب محمد طاہر نے تحریری فیصلہ بھی جاری کردیا۔
عدالت نے ریمارکس دیئے کہ درخواست گزار نہیں بتاسکے کہ کون سے عدالتی حکم کی خلاف ورزی ہوئی، توہین عدالت کیس عدالت اور توہین کرنے والے کے درمیان ہوتا ہے، کسی کے مطالبے پر توہین عدالت کی کاروائی نہیں کی جاسکتی۔