جعفر ایکسپریس حملہ : شہداء کے جسد خاکی آبائی علاقوں کو روانہ

جعفر ایکسپریس حملے کے چار شہداء کے جسد خاکی اسلام آباد سے آبائی علاقوں میں بھیج دیے گئے ہیں۔

شہداء میں محمد عثمان کا تعلق اٹک، روزے علی کا تعلق اسکردو گانچھے، شہید محمد ممتاز کا تعلق مانسہرہ اور شہید محمد امتیاز کا تعلق سیالکوٹ سے ہے، تمام شہداء کی نماز جنازہ آج ان کے آبائی علاقوں میں ادا کی جائےگی۔

شہید ہونے والے 25 افراد میں سے 2 ریلوے پولیس اہلکاروں کی نماز جنازہ کوئٹہ میں ادا کی گئی۔

اس کے علاوہ جعفر ایکسپریس حملے کے 29 زخمی کوئٹہ کے اسپتالوں میں زیر علاج ہیں جن میں سے 16 زخمی سی ایم ایچ کوئٹہ اور 13 زخمی سول اسپتال کے ٹراما سینٹر منتقل کیےگئے جہاں زخمیوں کی حالت خطرے سے باہر بتائی گئی ہے۔

کچھی میں زیرتعمیر ڈیم پر نامعلوم افرادکا حملہ،7 مزدور اغوا

زخمیوں کاکہنا ہےکہ وہ مناظر ناقابل بیان ہیں جب حملہ آور مسافروں کو ایک ایک کرکے فائرنگ کرکے مار رہے تھے تو ان کے پاس دوسرا راستہ نہیں تھا اور موقع ملتے ہی 70 سے زائد لوگ وہاں سے بھاگ گئےلیکن متعدد افراد دہشت گروں کی فائرنگ سے زخمی بھی ہوئے۔