آرمی چیف کا ٹلہ فائرنگ رینج کا دورہ، جنگی مشقوں کا جائزہ
آرمی چیف جنرل عاصم منیر نے جہلم کی ٹلہ فائرنگ رینج کا دورہ کیا اور فیلڈ فائر اور جنگی مشقوں کا مشاہدہ کیا۔
پاک فوج کے شعبہ تعلقات عامہ (آئی ایس پی آر) کے مطابق ٹلہ رینج پہنچنے پر آرمی چیف کا استقبال کورکمانڈر فور کور لیفٹیننٹ جنرل سید عامر رضا نے کیا۔
آئی ایس پی آر کے مطابق آرمی چیف نے مشقوں میں فضائیہ، آرمی ایوی ایشن اور زمینی دستوں کی ہم آہنگی کو سراہا، آرمی چیف نے فوجیوں کی جنگی مہارت اور جارحانہ جذبے کی تعریف کی اور ان کے بلند حوصلے اور جنگی صلاحیتوں کو بھی سراہا۔ اس موقع پر آرمی چیف کو مشقوں کے مقررہ مقاصد سے بھی آگاہ کیا گیا۔
