ورلڈ کپ میں اچھی پرفارمنس پیش کرناترجیح ہوگی،قومی ویمنزٹیم
پاکستان ویمنز کرکٹ ٹیم کی کپتان فاطمہ ثنا کاکہناہے کہ ورلڈ کپ میں جیت کیلئےپرعزم ہیں،کوشش ہوگی پریشرلینےکےبجائےاچھافارم کریں۔
کپتان فاطمہ ثنا نے لاہور میں ٹیم کے ہیڈ کوچ محمد وسیم کے ہمراہ ویمنز ون ڈے ورلڈ کپ میں شرکت کے لیے سری لنکا روانگی سے قبل پریس کانفرنس کی۔
قاطمہ ثنا کا کہنا تھا کہ کوشش ہوگی کہ ورلڈ کپ سمیت تمام میچز کو ‘نارمل’ سمجھ کر کھیلیں اور پریشر نہ لیں، سامنے ٹیم اچھی ہے یا نہیں اس کے بجائے توجہ اس پر ہوتی ہے کہ کارکردگی اچھی دکھائے۔
ٹیم کے ہیڈ کوچ محمد وسیم نے کہا کہ تیاری کراچی میں ہی شروع کی تھی پھر لاہور میں کیمپ لگایا تھا، اس کے بعد 3 میچز کی سیریز بھی کھیلی اس لیے ورلڈ کپ میں اچھی تیاری کے ساتھ جارہے ہیں۔
انہوں نے امید ظاہر کی کہ ورلڈ کپ میں ویمنز ٹیم کی کارکردگی اچھی ہوگی۔
واضح رہے کہ ویمنز ورلڈ کپ 30 ستمبر سے 2 نومبر تک بھارت اور سری لنکا میں ’ہائیبرڈ ماڈل‘ کے تحت کھیلا جائے گا جس میں پاکستان کی تمام میچز کولمبو، سری لنکا میں ہوں گے کیونکہ کشیدگی کی وجہ سے دونوں ممالک کے درمیان سفر ممکن نہیں ہے۔
