سینیٹ انتخابات ،پی ٹی آئی کا امیدواروں میں معمولی ردوبدل
سینیٹ انتخابات ،پی ٹی آئی کا امیدواروں میں معمولی ردوبدل،سینیٹ میں خواتین نشست پر صنم جاوید کو الیکشن لڑانے کا فیصلہ کرلیا۔
ترجمان تحریک انصاف کے مطابق صنم جاوید کو خواتین کی نشست پر الیکشن کے لئے میدان میں اتارا جائے گا ۔ڈاکٹر یاسمین راشد اب ٹیکنوکریٹ نشست پر سینیٹ الیکشن میں امیدوار ہوں گی ۔ پنجاب کی جنرل نشستوں پر حامد خان اور زلفی بخاری امیدوار ہوں گے ۔
ذرائع کے مطابق جنرل نشستوں پر کورنگ امیدوار کے طور پر عمر سرفراز چیمہ اور کرنل ر اعجاز منہاس کو نامزد کیا گیا ہے۔۔
