پی ٹی آئی میں کسی کا مستقبل محفوظ نہیں : شیر افضل مروت

پی ٹی آئی سے بے دخل ہونے والے رہنما شیر افضل مروت کا کہنا ہےکہ جیسے مجھے نکالا اس طرح نکالے جانے کےبعد پی ٹی آئی میں کسی کا مستقبل محفوظ نہیں۔ پارٹی کے انتہائی کلیدی عوامل پر عمران خان کو مس گائیڈ کیا جارہا ہے،قبضہ گروپ پارٹی پر قبضہ کرنے کے درپےہے۔

اسلام آباد ہائی کورٹ کے باہر میڈیا سے گفتگو کرتےہوئے رکن قومی اسمبلی شیر افضل مروت نے کہاکہ کسی کو بھی اس طرح کھسر پھسر کے ذریعے نکالا جاسکتا ہے،یہ فیصلہ ہونا چاہیےکہ پارٹی سے نکالنے کےلیے کوئی جواب تو ہونا چاہیے۔

صحافی نے سوال کیاکہ 26 ویں آئینی ترمیم پر جو غائب تھے عمران خان نے انہیں نکالنے کاکہا اور زین قریشی کو چھوڑ دینے کا کہا؟

اس سوال پر شیر افضل مروت کا کہنا تھا کہ شاہ محمود قریشی صاحب کی وجہ سے زین قریشی کا لحاظ کیاگیا ہے،وہ شاہ محمود قریشی کا بیٹا ہےاور ان کی قربانیاں ہیں،یہ ماننا پڑےگا۔

شیر افضل مروت نے کہاکہ یہ موروثی سیاست کے زمرےمیں نہیں بلکہ تفریق کے زمرے میں آتا ہے،امتیاز نہیں ہونا چاہیے،4 دن سے نعرے لگارہا ہوں مجھے نکالے جانےکی وجہ تو بتادیں،اتنی بھی ہٹ دھرمی اور مطلق العنانیت نہیں ہوتی۔

شیر افضل مروت کاکہنا تھاکہ عمران خان نے خود کہا ہم کوئی غلام ہیں،غلام تو ہم ہیں ہی نہیں آواز تو ہم اٹھائیں گے،پارٹی کے انتہائی کلیدی عوامل پر عمران خان کو مس گائیڈ کیا جارہا ہے،قبضہ گروپ پارٹی پر قبضہ کرنے کے درپےہے۔

ان کاکہنا ہےکہ قسم اٹھاتا ہوں کہ جب تک زندہ ہوں ان کے قبضےکا خواب چکنا چور کروں گا،میں کوئی بلاک نہیں بناؤں گا،میں عمران خان کے ساتھ ہوں،پارٹی میں جو سمجھدار لوگ ہیں ان کو سوچنا چاہیےکہ پارٹی میں چل کیا رہاہے۔

انہوں نے کہاکہ کامیابی ہمارےکریڈٹ میں کوئی نہیں ہے،یہی دھکم پیل ہے،ایک دوسرے کو گراکر آگے بڑھ رہےہیں، ایک سال کا احتساب کرلیں،ہماری کون سی کامیابی ہے،کوئی نہیں ہے،جب کامیابی نہیں ہےتو اس کا مطلب ہےسب کچھ غلط چل رہا ہے۔

شیر افضل مروت کا کہنا ہےکہ بنیادی کام ہے عمران خان کو نکالنا،مینڈیٹ کی واپسی اور عوام کو شعور دینا،ان کی ہمت بندھانا،26 نومبر کےبعد ہمت بندھاتے،ہم ایک دوسرے کو گرانے میں لگے ہوئے ہیں۔

وزیر اعظم شہباز شریف کی محنت سے ملک میں استحکام آیا : نواز شریف

ان کا کہنا ہےکہ اب بہت ہوگیا،میں ان کا مشکور ہوں کہ انہوں نے مجھےنکال دیا،اب زبان کی لکنت ختم ہو گئی ہے اور ہوں بھی وکیل تو بولوں گا تو،قومی اسمبلی کی نشست کیوں چھوڑوں؟اس کھسر پھسر پر چھوڑوں؟جس کی نشست ہے جب وہ مجھے بلائے گا،سنے گا اور کہےگا تو تب میں چھوڑوں گا۔