پاکستان اب ایک اور مارشل لاء کا متحمل نہیں ہوسکتا : بلاول بھٹو
چیئرمین پیپلز پارٹی بلاول بھٹو زرداری کا کہنا ہےکہ والدہ نے بدلہ لینا نہیں سکھایا،اسی لیے کہتا ہوں جمہوریت بہترین انتقام ہے۔ پاکستان اب ایک اور مارشل لاء کا متحمل نہیں ہوسکتا، پاکستان کا مستقبل آئین کی بالادستی سے وابستہ ہے۔
چیئرمین پیپلز پارٹی بلاول بھٹو زرداری نے آکسفورڈ یونیورسٹی میں لیکچر دیتے ہوئے کہاکہ عورتوں پر عائد پابندیوں کے باوجود بےنظیر بھٹو ملک کی وزی راعظم بنیں،آج پنجاب کی وزیر اعلیٰ بھی ایک خاتون ہیں۔
بلاول بھٹو زرداری کا کہنا تھاکہ پاکستان اب ایک اور مارشل لاء کا متحمل نہیں ہوسکتا، پاکستان کا مستقبل آئین کی بالادستی،آزاد عدلیہ اور صحافت سےوابستہ ہے۔
بلاول بھٹو نے کہاکہ والدہ نے بدلہ لینا نہیں سکھایا، اسی لیےکہتا ہوں جمہوریت بہترین انتقام ہے، بےنظیر بھٹو کی زندگی پاکستان کا مستقبل بہتر بنانے کےلیے صرف ہوئی۔ پاکستان کےعوام بہتر مستقبل کا مطالبہ کرنے کےلیے حق بجانب ہیں۔
انہوں نے کہا کہ نیب ڈریکونین لاء ہے ہم اس کے آج بھی مخالف ہیں،سندھ میں پیپلز پارٹی نے صحت کی بنیادی سہولتوں کی فراہمی کو بہتر بنایاہے۔
بلاول بھٹو کاکہنا تھاکہ بلوچستان میں سکیورٹی صورت حال قابل تشویش ہے، پاکستان کے ایٹمی اثاثےاپنی حفاظت کےلیے ہیں۔
