مغرب کی نوکری کرو مگر پاکستان کے مفاد تو نہ بیچو، پی ٹی آئی پرتنقید

سربراہ جے یو آئی مولانا فضل الرحمان نے پی ٹی آئی کو تنقید کا نشانہ بناتے ہوئے کہنا ہے کہ مغرب کی نوکری کرو لیکن پاکستان کے مفادات تو نہ بیچو۔ پی ٹی آئی کو سرے سے پاکستان میں ہونا ہی نہیں چاہیے تھا۔
سربراہ جے یوآئی مولانافضل الرحمان کا صحافیوں سے گفتگو میں کہنا تھا کہ پی ٹی آئی نے لفاظی کے سوا کوئی کام نہیں کیا، یہ لوگ جھوٹ بولتے ہیں کہ بانی پی ٹی آئی پاکستان کے لیے کھڑے ہیں بلکہ وہ پاکستان کے خلاف کھڑے ہیں۔
دوسری جانب پاک ایران کشیدگی پر بات کرتے ہوئے مولانا فضل الرحمان نے کہا کہ کشیدگی کی ابتدا ایران نےکی ہے، ایران کے معاملے پر پاکستان کو بھی جوابی احتجاج ریکارڈ کرانا پڑا، ایران کو کارروائی سے پہلے پاکستان کو آگاہ کرنا چاہیے تھا، ایران کو کارروائی کے بجائے پاکستان سے مدد مانگنی چاہیے تھی تاہم اب پاک ایران معاملے پر مثبت اقدامات کی ضرورت ہے۔