پاکستان کا ڈیفالٹ کرنا پاگل پن کی بات ہے،مفتاح اسماعیل

سابق وزیرخزانہ مفتاح اسماعیل کا کہنا ہے کہ پاکستان کا ڈیفالٹ کرنا پاگل پن کی بات ہے، میری وفاداری مسلم لیگ ن سےضرور تھی مگر اولین ترجیح پاکستان ہے۔

سابق وزیرخزانہ مفتاح اسماعیل کا تقریب سےخطاب کرتےہوئےکہنا تھاکہ ڈیفالٹ بہت مہنگا پڑے گا، کراچی میں پینے کا پانی اور لاہور میں صاف ہوا نہیں ملتی، اس حکمرانی سے پاکستان آگے نہیں بڑھے گا۔

مفتاح اسماعیل نے کہاکہ میں نےآئی ایم ایف میں بھی نوکری کی ہے، وزیر خزانہ محمد اورنگزیب ریفائینڈ آدمی ہیں مگر جوکرنا چاہتے ہیں کر نہیں پا رہے، پاکستان میں بجلی کی پیداوار بڑھ گئی ہے۔

کوئٹہ دھماکہ،دہشت گردوں کوپوری طاقت سےکچلنے کا فیصلہ

سابق وزیر خزانہ نے کہا کہ گرمیوں میں بجلی کی ڈیمانڈ 31 سے 32 ہزار میگا واٹ اور سردیوں میں11 ہزار میگاواٹ ہے۔آئی پی پیز کو کپیسٹی پیمینٹ 18 روپے ہے اور یونٹ70 سے زائد کا پڑتا ہے۔اداروں کی نجکاری کے علاوہ کوئی حل نہیں ہے۔

مفتاح اسماعیل کا کہنا تھا کہ کچھ آئی پی پیز کے معاہدوں پرنظرثانی ہوئی عوام کو کتنا فائدہ ہوا؟  نواز شریف اچھے آدمی ہیں۔سیاست میں سب چاہتے ہیں کہ پاکستان آگے بڑھے، ہوا یہ کہ میں وزیرخزانہ بناتو اسحاق ڈاروزیر بننا چاہتے تھے،  70 ارب روپےڈیزل پر ایک ماہ میں نقصان ہو رہا تھا۔ساڑھے3 ارب کا تیل منگواتے تھے۔600 ارب روپے کی سبسڈی تھی۔

سابق وزیر مفتاح اسماعیل نےکہا کہ  آئی ایم ایف والےبھی حیران ہوتے تھے، پیٹرول کی قیمت پر ٹیکس ہو اور سبسڈیز ختم کرنی چاہیے، کچھ وقت میں پیٹرول سستا ہوجائےگا۔بانی پی ٹی آئی سمجھتے تھےان کے علاوہ تمام سیاستدان ناجائز ہیں، اس سےغیرسیاسی قوتیں مضبوط ہوئیں، پاکستان میں ووٹ کو عزت دو کا نعرہ ہر پارٹی کو لگانا چاہیے۔

مفتاح اسماعیل نے کہاکہ ایکسپورٹس کے لیے پاکستان میں ایک ڈالر بھی نہیں آ رہا،  جو آتا ہے یہاں سے زیادہ کما کر چلا جاتا ہے، ایکسپورٹ نہیں کرتا۔