پی سی بی کی چیمپئنز ٹرافی سے پاکستان کو نقصان کے بھارتی دعوے کی تردید
بھارتی میڈیا کی جانب سے چیمپئنز ٹرافی کی میزبانی کے دوران پاکستان کو پہنچنے والے نقصان کی خبروں کی تردید کرتے ہوئے ترجمان پی سی بی کا کہنا ہےکہ بھارتی میڈیا قیاس آرائیوں پر مبنی من گھڑت کہانیاں گھڑ رہا ہے۔ چیمپئنز ٹرافی سے پاکستان کرکٹ بورڈ کو کوئی نقصان نہیں ہوا۔
آئی سی سی چیمپئنز ٹرافی کےبعد بھارتی میڈیا نے پاکستان کرکٹ کو بدنام کرنےکی مہم شروع کر دی ہے۔اس حوالے سے پاکستان کرکٹ بورڈ نے بھارتی میڈیا میں شائع ہونے والی خبر کو من گھڑت،بے بنیاد اور حقائق کے منافی قرار دیا ہے۔
ترجمان پی سی بی کا کہنا ہےکہ بھارتی میڈیا قیاس آرائیوں پر مبنی کہانیاں گھڑ رہا ہے،قومی ٹی ٹوئنٹی ٹورنامنٹ میں کھلاڑیوں کی میچ فیس کو کم کرنےسے اس کہانی کو تراشا گیا ہے۔
ترجمان پی سی بی کے مطابق چیمپئنز ٹرافی سے پاکستان کرکٹ بورڈ کو کوئی نقصان نہیں ہوا،ہمیں 6 ملین ڈالرز میزبانی پر ملیں گے اور گیٹ منی سے آمدنی کا فیصلہ کچھ ماہ میں آڈٹ کےبعد ہوگا جب کہ ہوٹلوں کا کرایہ،جہازوں کے ٹکٹ،پرائز منی اور دیگر اخراجات آئی سی سی ادا کرےگا۔
ضابطہ اخلاق کی خلاف ورزی،خوشدل شاہ پر جرمانہ عائد
بھارتی میڈیا کی رپورٹ کےمطابق پاکستان کرکٹ بورڈ کو آئی سی سی چیمپئنز ٹرافی 2025 کی میزبانی کے دوران 869 کروڑ روپے (85 ملین ڈالر) کا نقصان ہوا جس کےبعد بورڈ نے کھلاڑیوں کی میچ فیس میں کٹوتی اور 5 اسٹار ہوٹلوں کی سہولت ختم کرنے جیسے سخت اقدامات اٹھائےہیں۔
