ملک میں پولیو بے قابو، ایک اور کیس سامنے آگیا

اسلام آباد میں نیشنل انسٹی ٹیوٹ آف ہیلتھ میں پولیو کےخاتمے کےلیے قائم ریجنل ریفرنس لیبارٹری نے پاکستان سےایک اور وائلڈ پولیو وائرس (ڈبلیو پی وی 1) کیس کی تصدیق کی ہے۔

لیبارٹری نے خیبرپختونخوا کےضلع ٹانک سے بچی میں پولیو کے کیس کی تصدیق کی،جس سےرواں سال کیسز کی تعداد 50 ہوگئی ہے۔

جمع کردہ نمونوں سے الگ تھلگ وائرس کی جینیاتی سیکوینسنگ سےواضح ہوا ہےکہ یہ جولائی میں اسی ضلع میں پائےجانے والے ڈبلیو پی وی 1 سے جینیاتی طور پر منسلک ہے۔

مریم نوازکا موٹر ویز پرایمبولنس سروس شروع کرنے کااعلان

یہ ضلع ٹانک سے پولیو کا دوسرا اور رواں سال پاکستان میں پولیو کا 50 واں کیس ہے۔

اب تک بلوچستان سے 24،سندھ سے 13،خیبر پختونخوا سے 11 اور پنجاب اور اسلام آباد سے ایک، ایک کیس رپورٹ ہوچکا ہے۔

ضلع ٹانک،جنوبی خیبرپختونخوا کے پولیو سےمتاثرہ اضلاع میں سے ایک ہے اور اس سال یہاں سے متعدد مثبت ماحولیاتی نمونوں کےساتھ ساتھ دو کیسز رپورٹ ہوئے یں،جو اس بات کی نشاندہی کرتے ہیں کہ پولیو وائرس کا پھیلاؤ بچوں کےلیے بدستور خطرہ ہے۔