یوم پاکستان ،صدر مملکت کا مسلح افواج کے جوانوں اور افسران کیلئے اعزازات کا اعلان

صدر مملکت آصف علی زرداری نے یوم پاکستان کے موقع پرمسلح افواج کے جوانوں اور افسران کے لیے فوجی اعزازات کا اعلان کردیا۔

آئی ایس پی آر کے مطابق پاک فوج، پاک فضائیہ اور پاک بحریہ کے 764 جوانوں اور افسران کے لیے فوجی اعزازات کا اعلان کیا گیا ہے۔دو جوانوں اور افسران کو ستارہ بسالت اور 227 کے لیے تمغہ بسالت کا اعلان کیا گیا ہے جبکہ 82 جوانوں اور افسران کے لیے امتیازی اسناد کا اعلان کیا گیا ہے۔

آئی ایس پی آر کے مطابق 185 افسران اور جوانوں کے لیے چیف آف آرمی اسٹاف کمانڈیشن کارڈز کا اعلان کیا گیا ہے۔اس کے علاوہ  23 جوانوں کو ہلالِ امتیاز ملٹری اور 112 کے لیے ستارہ امتیاز ملٹری کا اعلان کیا گیا ہے جبکہ 133جوانوں اور افسران کو تمغہ امتیاز ملٹری سے نوازا جائے گا۔