مولانا فضل الرحمن کی طبیعت ناساز، سیاسی سرگرمیاں منسوخ کر دیں

حکمران اتحاد پاکستان ڈیموکریٹک موومنٹ کے سربراہ مولانا فضل الرحمن کی طبیعت ناساز ہو گئی جس کی وجہ سے ڈاکٹرز نے انہیں اہم سرگرمیوں میں حصہ لینے سے روک دیا۔

ڈاکٹروں کی ہدایات پر مولانا فضل الرحمان کی سیاسی سرگرمیوں کی منسوخی سے متعلق جے یو آئی کی جانب سے خط لکھ کر عہدیداروں کو باضابطہ آگاہ کردیا گیا، مولانا فضل الرحمان کی سیاسی سرگرمیاں تاحکم ثانی منسوخ رہیں گی۔

مولانا عبدالغفور حیدری نے خط میں کہا کہ مولانا فضل الرحمان کی طبیعت کافی عرصے سے ناساز رہی ہے، ڈاکٹرز کے مشوروں کو نظر انداز کرتے ہوئے انہوں نے اپنی سیاسی سرگرمیاں جاری رکھی ہیں، اب ڈاکٹرز نے سختی سے سیاسی سرگرمیوں سے روکا ہے، مولانا فضل الرحمان طبیعت بہتر ہونے تک آرام کریں گے، کارکنوں اور ہمدردوں کو ٹیلیفون کر کہ یا گھر پر آکر طبیعت پرسی کی بھی اجازت نہیں ہوگی۔