تنخواہ دار طبقے کو ریلیف آئی ایم ایف کی رضا مندی سےمشروط

آئی ایم ایف جائزہ مشن 3 مارچ کو اقتصادی جائزے کیلئےپاکستان پہنچے گا۔ تنخواہ دار طبقے کو ریلیف آئی ایم ایف کی رضا مندی سےمشروط کردیاگیا۔

تفصیلات کے مطابق آئی ایم ایف کے ساتھ اقتصادی جائزہ مذاکرات 15 مارچ تک جاری رہیں گے،نیتھن پورٹر کی قیادت میں 9 رکنی وفد پاکستان کا دورہ کرے گا۔مذاکرات دو مراحل میں ہوں گے،مذاکرات تکنیکی اور پالیسی سطح کے ہونگے، آئی ایم ایف آئندہ مالی سال 26-2025 کے بجٹ  کیلئےتجاویز دے گا۔

وزارت خزانہ کے ذرائع کے مطابق تنخواہ دارطبقے کو ریلیف آئی ایم ایف کی رضا مندی سے مشروط ہوگا،وزارت خزانہ، توانائی،منصوبہ بندی اوراسٹیٹ بینک سے مذاکرات ہوں گے، ایف بی آر، اوگرا،نیپرا سمیت دیگر ادارے بھی مذاکرات میں شامل ہونگے۔

ذرائع کا یہ بھی کہنا ہے کہ چاروں صوبوں کے ساتھ الگ الگ مذاکرات کیے جائیں گے۔مزید برآں کلائمیٹ فنانسنگ پرآج پنجاب اوربلوچستان کے ساتھ مذاکرات ہوں گے۔