سپریم کورٹ : عمران خان سے ملاقات کےلیے تحریری حکم نامہ جاری کرنے کی استدعا مسترد
سپریم کورٹ نے وکیل کی جانب سے عمران خان سے ملاقات کرانے کےلیے تحریری حکم نامہ جاری کرنے کی استدعا مسترد کر دی۔
چیف جسٹس یحییٰ آفریدی کی سربراہی میں تین رکنی بینچ نے 9 مئی کے کیسز میں عمران خان کے ریمانڈ سے متعلق اپیل پر سماعت کی۔
دوران سماعت عمران خان کے وکیل سلمان صفدر اور اسپیشل پراسکیوٹر ذوالفقار نقوی عدالت میں پیش ہوئے۔
دوران سماعت اسپیشل پراسکیوٹر ذوالفقار نقوی نے کہاکہ عمران خان کا پولی گرافک اور وائس میچنگ ٹیسٹ ہونا باقی ہے،جسمانی ریمانڈ صرف 2 ٹیسٹ کےلیے درکار ہے لیکن عمران خان نے تعاون نہیں کیا۔
عمران خان کے وکیل سلمان صفدر نے کہاکہ میرے موکل پر 300 سے زائد کیسز ہیں،ان سے ہدایات لینے کےلیے سپریم کورٹ خصوصی ہدایات جاری کرے،سپریم کورٹ کی خصوصی ہدایات ہو تومیری ملاقات عمران خان سے ہوجائے گی۔
اس موقع پر چیف جسٹس نے کہاکہ آپ نے جب عمران خان سے ملاقات کےلیے جانا ہے چلے جائیں، ہم کوئی حکم نامہ جاری نہیں کریں گے، آپ بغیر عدالتی حکم نامے ملاقات کریں،ملاقات ہوجائے گی۔
پی ٹی آئی کو کلاس کی طرح نہیں چلایا جاسکتا، عمران خان کی سلمان اکرم راجہ سے ناراضگی
بعد ازاں عدالت نےکیس کی مزید سماعت 23 اپریل تک ملتوی کر دی۔
