اداکارہ صحیفہ جبار نے شدید ڈپریشن ہونے کو ڈرامہ قرار دیتے ہوئے سوشل میڈیا صارفین کو کھری کھری سناتے ہوئے کہا کہ ڈپریشن کا مطلب یہ نہیں ہے کہ انسان کھانا، پینا، نہانا اور کپڑے بدلنا ہی بھول جائے۔صحیفہ جبار نے جون اور ستمبر 2023 میں سوشل میڈیا پوسٹس میں کھل کر ڈپریشن پر بات کی تھی اور کہا تھا کہ اس قدر ذہنی مسائل کا شکار ہوگئی تھیں کہ وہ اپنی موت کی تمنا کرتی تھیں۔اداکارہ کی جانب سے حال ہی میں اپنے انسٓٹاگرام پر بولڈ ویڈیوز اور تصاویر شیئر کیے جانے کے بعد جہاں ان کی تعریفیں کی گئیں، وہیں بعض افراد نے انہیں یاد دلایا کہ کچھ عرصہ قبل تو وہ ڈپریشن کی باتیں کر رہی تھیں، اب کیا ہوا؟ایک صارف نے ان کی بولڈ ویڈیو پر کمنٹ کرتے ہوئے لکھا کہ کچھ عرصہ قبل اداکارہ نے انسٹاگرام پر ویڈیوز شیئر کی تھیں کہ وہ ڈپریشن کا شکار ہیں، بعد ازاں انہوں نے شوہر سے رومانس کی پوسٹس اور ویڈیوز شیئر کیں۔صارف نے مزید لکھا کہ اس کے بعد اداکارہ نے دوستوں کے ساتھ انجوائے کرنے اور باہر گھومنے کی پوسٹس شیئر کیں اور اب وہ عوامی مقامات پر انتہائی بولڈ لباس پہن کر سامنے آئی ہیں، ان کے ڈرامے ختم نہیں ہوتے۔صحیفہ جبار نے کمنٹ کرنے والے شخص کو کرارا جواب دیتے ہوئے لکھا کہ انہیں ڈپریشن ہے لیکن اس کا مطلب یہ نہیں کہ وہ کھانا، پینا، نہانا اور کپڑے بدلنا چھوڑ دے، لکھا کہ ڈپریشن کا مطلب یہ نہیں کہ وہ نوکری نہ کریں، وہ شوہر کے سامنے روتی رہیں اور اس کے سامنے اذیت میں رہ کر اسے دکھائیں کہ انہیں ڈپریشن ہے۔اداکارہ نے لکھا کہ ڈپریشن کا مطلب یہ نہیں ہے کہ وہ نہا، دھوکے صاف کپڑے نہ پہنیں اور گندے کپڑوں میں نماز پڑھیں، کمنٹ کرنے والوں کو بیوقوف قرار دیتے ہوئے انہیں ان کے سوشل میڈیا اکاؤنٹ سے نکل جانے کو کہا۔