الیکشن کمیشن کو پی ٹی آئی منحرف ارکان کیخلاف ریفرنسز ارسال

پاکستان تحریک انصاف نے اپنے 20 منحرف ارکان کیخلاف ریفرنسز الیکشن کمیشن کو ارسال کر دیئے ہیں۔

ذرائع قومی اسمبلی سیکرٹریٹ نے تصدیق کی کہ تحریک انصاف کی قیادت کی جانب سے 20 منحرف اراکین کے خلاف ریفرنس موصول ہوئے جسے 2 دن کے اندر الیکشن کمیشن کے اندر بھجوانا ضروری تھا، آئین کے تحت 20 منحرف اراکین کے خلاف نا اہلی کا ریفرنس الیکشن کمیشن کو بھجوایا گیا اور الیکشن کمیشن ان پر 30 دن میں فیصلہ کرے گا۔

ذرائع کے مطابق ان اراکین پر الزام ہے کہ انہوں نے پارٹی قیادت کی ہدایات پر عمل نہیں کیا اور اپوزیشن بنچز پر جا بیٹھے جبکہ پارٹی کی پالیسیوں کے خلاف ووٹ دینے کا بھی اعلان کیا تھا۔

شہبازگل اورشہزاداکبرکا نام اسٹاپ لسٹ سے نکالنے کا حکم

پی ٹی آئی کے جن منحرف اراکین کے خلاف ریفرنسز الیکشن کمیشن بھجوائے گئے ہیں ان میں راجہ ریاض احمد، نور عالم خان، وجیہہ قمر، ملک نواب شیر وسیر، رمیش کمار، افضل ڈھانڈلا، احمد حسین ڈیہر، رانا قاسم نون، عبد الفغار وٹو، مخدوم باسط بخاری، عامر طلال گوپانگ، سردار ریاض محمود خان، نزہت پٹھان، سید مبین احمد، امجد فاروق کھوسہ، سید سمیع الحسن گیلانی، عامر لیاقت حسین، جویریہ ظفر، عاصم نذیر اور چوہدری فرخ الطاف شامل ہیں۔