لاہور ہائیکورٹ کے سابق جج کے سابق چیف جسٹس پر سنگین الزامات
لاہور ہائیکورٹ کے سابق جج جسٹس شاہد جمیل نے لاہور ہائیکورٹ کے ہی سابق چیف جسٹس امیر حسین بھٹی پر سنگین الزامات عائد کردیے۔
ایک انٹرویو میں جسٹس شاہد جمیل (ر)نے دعویٰ کیا کہ سابق چیف جسٹس لاہور ہائیکورٹ جسٹس امیر بھٹی نے پی ٹی آئی سے تعلق رکھنے والے اپنے داماد کو سیاسی فائدہ پہنچایا، مخصوص بینچ بنائے گئے، جسٹس امیر بھٹی پر رشوت لینے کا بھی تاثر ہے۔
لاہور ہائیکورٹ کے سابق جج کے سابق چیف جسٹس پر سنگین الزامات
جسٹس شاہد جمیل (ر) کا کہنا تھا کہ جسٹس امیر بھٹی کے داماد نے وزارت ملنےکے بعد گھر کھانے پر بلایا لیکن میں نہیں گیا، جسٹس امیر بھٹی کی شہزاد اکبر سے ملاقات کے بعد انہیں کہا تھا کہ اچھی خبریں نہیں چل رہیں۔
ان کا مزید کہنا تھا کہ اسٹیبلشمنٹ کےخلاف کوئی کیس آتا تھا توسابق چیف جسٹس امیر بھٹی جسٹس علی باقر نجفی کے پاس لگاتے تھے، جنرل قمر باجوہ کے سمدھی صابر مٹھو نے تعیناتی سے پہلے ہی بتادیا تھا کہ ان کی بات ہوگئی ہے باجوہ چیف ہوں گے، صابر مٹھو نے مختلف مقدمات میں بھائی اور والدہ کے ذریعے پیغامات بھیجے۔
