جمہوریت کا تسلسل ملکی ترقی کا ضامن ہے : اعظم نذیر تارڑ
وفاقی وزیر قانون اعظم نذیر تارڑ کا کہنا ہے کہ آئین میں ترامیم ہوتی رہتی ہیں،جمہوریت کا تسلسل ملکی ترقی کاضامن ہے۔
اسلام آباد میں ہونےوالی اسپیکرز کانفرنس سے خطاب کرتےہوئے وفاقی وزیر قانون اعظم نذیر تارڑنے کہا کہ میثاق جمہوریت نے ملکی سیاست میں اہم کردار ادا کیا۔
وزیر قانون نے کہا کہ 1973 کا آئین متفقہ طور پر منظور ہوا،آئین میں ترمیم ہوتی رہیں،17 ویں ترمیم بہت اہمیت کی حامل تھی لیکن 18 ویں ترمیم میں اختیارات صوبوں کو منتقل کیےگئے،صوبوں کو اختیارات کی منتقلی میں مرکز نے بڑےپن کا مظاہرہ کیا۔
اعظم نذیر تارڑ نےکہاکہ 18 ویں ترمیم کے وقت یہ احتیاط کی گئی،خاص طور پر جو فوجداری قوانین میں فیڈریشن کو رکھاگیا تاکہ پورے ملک میں ایک جیسے قوانین ہوں۔
ان کاکہنا تھاکہ اسی طرح آرٹیکل 144 میں یہ اختیار دیا گیاکہ صوبہ ایک قرارداد کے ذریعے مرکز کو اجازت دے سکتا ہے کہ وہ کسی موضوع پر قانون سازی کرلیں لیکن یہ صوبے کا اختیار ہوگاکہ وہ بعد میں اس قانون میں ترمیم کرےیا اسے ختم کرے۔
وزیر قانون نے کہاکہ میثاق جمہوریت نے ملکی سیاست میں اہم کردار ادا کیا اور جمہوریت کا تسلسل ہی ملک کی ترقی کا ضامن ہے،جمہوری نظام کا مقصد ہمیں جن لوگوں نے اسمبلیوں میں بھیجا یا جن کی ہم نمائندگی کرتےہیں،ان کا فائدہ ہو۔
چیف جسٹس یحییٰ آفریدی نے 21 دسمبر کو جوڈیشل کمیشن کا اجلاس طلب کرلیا
انہوں نے کہاکہ پارلیمانی نظام میں عوام کےحقوق کا تحفظ ہماری ذمہ داری ہے،حکومت نے طےکرنا ہے کہ نظام کیسے چلانا ہے۔
