سپیکر نے پنجاب اسمبلی میں اپوزیشن لیڈرکا عہدہ”خالی “قرار دیدیا
سپیکر ملک محمداحمد خان نے پنجاب اسمبلی میں اپوزیشن لیڈرکا عہدہ ”خالی “قرار دیدیا۔
سپیکر پنجاب اسمبلی ملک محمد احمد خان کا پریس کانفرنس کرتے ہوئے کہنا تھا کہ سپریم کورٹ کے فیصلے کے بعد پنجاب اسمبلی میں اپوزیشن لیڈر کا عہدہ خالی قرار دیا ۔کہتے ہیں اپوزیشن لیڈر سنی اتحاد کونسل کے پلیٹ فارم سے بنا اب اس جماعت کا کوئی وجود نہیں، سنی اتحاد کونسل کے ارکان پی ٹی آئی میں جا چکے ہیں، سپیکر نے اسمبلی کے معاملات کو سلجھانے کےلئے اپوزیشن اور حکومت کو ایک بار پھر پیغام بھجوا دیا۔
سپیکر پنجاب اسمبلی کاکہناتھاکہ کسی کو ایوان میں گالی نہیں دینے دوں گا گالی اور نفرت کے اثرات دور تک جاتے ہیں، پانچ ماہ میں ستر فیصد ایوانکا وقت اپوزیشن کو دیا لیکن اگر اپوزیشن گالیوں کی سیاست کرے گی تو یہ برداشت نہیں اپوزیشن ریکوزیشن کرکے اجلاس بلاتی ہے اور پھر ایوان میں بھی نہیں آتی الٹا ٹی اے ڈی اے کےلئے جعلی حاضریاں بھی لگاتے ہیں علی بابا چالیس چور تو سنے تھے اب علی بابا ساٹھ سپوت قوم کے دیکھے ہیں۔ سپیکر کاکہناتھاکہ ایتھکس کمیٹی بنا دی ہے حکومت سے بھی رابطہ کیا ہے اپوزیشن کو بھی پیغام بھجوایا ہے،
سپیکر نے واضح کیا کہ جو گاڑیاں میرے آفس کےلئے خریدی گئیں وہ سپیکر آفس کےلئے ہیں وہ ملکی و غیر ملکی اعلی شخصیات جب دورہ پر اسمبلی آتے ہیں تو ان کےلئے یہ گاڑیاں درکار ہوتی ہیں، باقی اسمبلیوں میں سپیکر کے پاس لگژری گاڑیاں ہیں میں نے لگژری گاڑیاں نہیں خریدیں، سپیکر نے صوبائی وزیر عطمی بخاری کے ویڈیو کے معاملہ کو بھی افسوسناک قراردیا کہا جعلی ویڈیوز کے ذریعے ڈیجیٹل دہشت گردی کی جا رہی ہے۔
