پولیس شام چھ بجے کے بعد گھروں سے نکلنے پر پابندی کو یقینی بنائے
وزیراعلیٰ سندھ مراد علی شاہ نے آئی جی پولیس اور کمشنر کراچی کو ہدایت کی ہے کہ کرونا وبا کے پیش نظر اس بات کو یقینی بنائے جائیں کہ کوئی شخص غیرضروری طور پر گھر سے باہر نہ نکلے۔
وزیراعلیٰ سندھ ہاؤس کے ترجمان کی جانب سے جاری بیان کے مطابق وزیر اعلیٰ مراد علی شاہ زیرصدارت کوویڈ ٹاسک فورس اجلاس ہوا ، جس میں کورونا کی صورت حال کا جائزہ لیا گیا۔
وزیراعلیٰ سندھ نے آئی جی پولیس اور کمشنر کراچی ہدایت کی کہ کراچی میں شام 6 بجے کے بعد مکمل پابندی لگائیں، کوئی شخص غیرضروری طور پر گھر سے باہر نہ نکلے، جو ٹیوشن سینٹرز چل رہے ہیں انہیں فوری بند کیا جائے، وہ دوبارہ جمعہ کے دن کرونا صورت حال کا جائزہ لیں گا، صورت حال بہتر نہ ہوئی تو مزید اقدامات اٹھائے جائیں گے۔
