متھیرا نے لیپو سکشن سے وزن کم کرنے کا اعتراف کر لیا

معروف ماڈل اور اداکارہ متھیرا نے اپنے چہرے کی پلاسٹک سرجری کروانے کے الزامات کو مسترد کرتے ہوئے اعتراف کیا ہے کہ انہوں نے ’لیپو سکشن‘ سرجرائی کے ذریعے اپنا وزن ضرور کم کیا ہے۔ یاد رہے کہ ’لیپو سکشن‘ جسم کے مختلف حصوں سے بڑی سبج کے ذریعے چربی نکلوانے کو کہتے ہیں۔
اپنی متنازعہ حرکتوں کی وجہ سے خبروں میں رہنے والی علی متھیرا پر کافی عرصے پلاسٹک سرجری کروانے کے الزامات عائد کیے جاتے رہے ہیں۔ ان سے متعلق سوشل میڈیا پر افواہیں پھیلتی رہی ہیں کہ انہوں نے ہونٹوں سمیت جسم کے دیگر اعضا کی سرجری کروا رکھی ہے۔ اگرچہ وہ ماضی میں بھی پلاسٹک سرجری کے الزامات کو مسترد کر چکی ہیں، تاہم حال ہی میں انہوں نے احسن خان کے شو ’ٹائم آؤٹ ود احسن‘ میں ایک بار پھر ان خبروں کو غلط قرار دیا کہ انہوں نے اہنے جسم کے کسی بھی حصے کی کوئی پلاسٹک سرجری کروائی ہے۔ متھیرا اس شو میں اپنی بہن روز کے ساتھ شریک ہوئیں، دونوں بہنوں نے شوبز کیریئر سمیت خود پر ہونے والی تنقید پر کھل کر باتیں کیں۔ متھیرا نے بتایا کہ وہ سال 2005 میں افریقی ملک زمبابوے سے پاکستان آئی تھیں۔ تب وہ کافی کم عمر تھیں جب کہ اگلے سال وہ 30 برس کی ہوجائیں گی۔
احسن خان شو کے دوران متھیرا کی بہن روز نے بتایا کہ انہیں اداکاری یا میڈیا انڈسٹری کا حصہ بننے کا کوئی شوق نہیں تھا مگر بہن کے شوبز میں آنے کے بعد اب وہ بھی اس کا حصہ بن چکی ہیں۔ روز کے مطابق انہوں نے ایکسپریس انٹرٹینمنٹ ٹی وی کے ڈرامے سے ڈیبیو کیا اور جلد ہی ان کی فلم ریلیز ہونے والی ہے، جس کے بعد ان کی ویب سیریز بھی ریلیز ہوگی۔
روز نے بتایا کہ انکا وزن بھی 100 کلو سے زیادہ تھا، جسے انہوں نے کم کرکے 58 کلو گرام تک کیا ہے۔ انہوں نے اس تاثر کو مسترد کیا کہ انہوں نے اداکاری کے دباؤ کی وجہ سے وزن کم کیا۔
پروگرام کے دوران متھیرا نے بتایا کہ انہوں نے کبھی بھی اہنے جسم کی کوئی پلاسٹک سرجری نہیں کروائی، ان کا دوعی تھا کہ انکا وزن ایک روڈ حادثے کے بعد بڑھنا شروع ہوا تھا۔ روز نے بھی گواہی دی کہ ان کی بہن متھیرا نے کوئی پلاسٹک سرجری نہیں کروائی، البتہ انہوں نے ’لیپو سکشن‘ کروایا ہے۔ ایک سوال کے جواب میں متھیرا نے اعتراف کیا کہ جب وہ زمبابوے سے پاکستان منتقل ہوئی تھیں تو انہیں یہاں کے سماج سے متعلق زیادہ معلومات نہیں تھی، جس کے باعث شروع میں وہ مختصر لباس بھی پہنتی رہیں۔ متھیرا نے بتایا کہ ان کے زمبابوے نژاد والد انتقال کر چکے ہیں، اب ان کا جینا مرنا پاکستان میں ہی ہے، کیوں کہ ان کی والدہ یہیں کی ہیں۔
احسن خان شو کے ایک سیگمنٹ میں متھیرا نے شہروز سبزواری کو مشورہ دیا کہ وہ کم بولا کریں، ساتھ ہی انکی اداکاری کی تعریفیں بھی کیں۔ اسی سیگمنٹ میں انہوں نے مہوش حیات کو ان کے آئٹم سانگ کے بول ’بلی‘ سے تشبیہ دیتے ہوئے ان کی اداکاری اور شخصیت کی بھی تعریف کی۔ متھیرا نے عامر لیاقت حسین کو ’میمز‘ تخلیق کا سبب قرار دیا جب کہ وقار ذکا کو ’کرپٹو کرنسی‘ ماہر قرار دیتے ہوئے ان کی شخصیت کی تعریف بھی کی۔