محکمہ موسمیات نے ملک بھر میں بارشوں کی نوید سنادی

گرمی کے ستائے شہریوں کیلئے خوشخبری ،محکمہ موسمیا ت میں ملک بھرمیں بارشوں کی نوید سناد ی۔

محکمہ موسمیات کے مطابق 28 مئی  سے یکم جون کے دوران بالائی علاقوں میں چند مقامات  پر آندھی اور گرج  چمک کے ساتھ بارش کا  امکان ہے۔ ایک کمزور مغربی لہر 28 مئی کو  ملک کے بالائی علاقوں پر اثر انداز  ہونے کا امکان ہے، 28 سے29 مئی کے دوران کوئٹہ، ژوب، زیارت، بارکھان میں گرج چمک کے ساتھ بارش کا امکان ہے۔

بابری مسجد کی جگہ رام مندر بنانے والی بی جے پی کو ایودھیا میں شرم ناک شکست

محکمہ موسمیات کے مطابق 28 مئی تا یکم جون چترال، دیر، سوات، ایبٹ آباد، کوہستان، وزیرستان، شانگلہ، لکی مروت، کرک، پشاور  اور  مردان میں چند مقامات  پرگرج چمک کے ساتھ بارش متوقع ہے۔ اس کے علاوہ گلگت بلتستان اور کشمیر میں بھی 28 مئی سے یکم جون کے دوران بارش کا امکان ہے۔

محکمہ موسمیات کا کہنا ہے کہ اس دوران  مری، گلیات، اسلام آباد، راولپنڈی، اٹک، چکوال، گوجرانولا، سیالکوٹ، نارووال، لاہور، اوکاڑہ اور  فیصل آباد سمیت دیگر مقامات پر بھی بارشوں کا امکان ہے۔ 28 اور 29 مئی کو کراچی، ٹھٹھہ  ، بدین اور حیدآباد بھی  میں بارشوں کا امکان ہے۔