فواد خان اور صنم سعید کی جوڑی پھر جادو چلانے کیلئے تیار

2 جون, 2024
Fawad Khan News in Urdu

ی معروف اداکار فواد خان اور اداکارہ صنم سعید کی آن اسکرین جوڑی ایک بار پھر اپنا جادو چلانے کے لیے تیار ہے۔

فواد خان اور صنم سعید ایک بار پھر ایک ساتھ نظر آنے والے ہیں لیکن اس بار یہ جوڑی ویب سیریز ’شندور‘ میں نظر آئے گی۔

مذکورہ بڑے بجٹ کی اس ویب سیریز کو شائقین بھارتی او ٹی ٹی پلیٹ فارم سونی لِیو پر دیکھ سکیں گے، جس کی شوٹنگ برطانیہ اور پاکستان کے مختلف مقامات پر کی جا رہی ہے۔

یہاں یہ واضح رہے کہ اس ویب سیریز ’شندور‘ کی ہدایت کاری عاصم رضا نے کی ہے جبکہ اس کی کہانی عمیرہ احمد نے تحریر کی ہے، جس میں فواد خان ایک چترالی شہزادے کے کردار میں دکھائی دیں گےجسے ’پولو‘ کھیلنے کا شوق ہے۔

سوشل میڈیا پر وائرل ہونے والی مختلف تصاویر میں نومبر 2022 میں شروع ہونے والی ویب سیریز کی شوٹنگ کے مختلف مناظر بھی دیکھے جاسکتے ہیں۔

خیال رہے کہ ویب سیریز کی پروڈکشن ٹیم کے مطابق پاکستان میں اس ویب سیریز کا بیشتر حصہ چترال کے علاقے ’شندور پاس‘ کے گرد و نواح میں شوٹ کیا گیا ہے۔

Tags
2 جون, 2024
Photo of Sheraz Khalid

Sheraz Khalid

Back to top button