حادثے کے 6 دن بعدخاتون گاڑی سے زندہ نکل آئی
امریکی ریاست انڈیانا میں خاتون حادثے کے6دن بعد گاڑی سے زندہ نکل آئی۔
تفصیلات کے مطابق 41سالہ بریونا کاسیل گزشتہ ہفتے اپنی والدہ کے گھر سے نکلنے کے بعد گمشدہ ہوگئی تھیں۔وہ اپنے ایک دوست سے ملنے کے لیے گئی تھیں۔
میڈیا رپورٹس کے مطابق گاڑی چلاتے ہوئے وہ سوگئی تھیں اور ان کی گاڑی ایک قصبے کے قریب سڑک سے اتر کر گہری دراڑ میں پھنس گئی۔
پولیس کے مطابق ان کی گاڑی جس جگہ پھنسی تھی وہ قریب گزرنے والی ٹریفک سے کافی دور تھی اور کسی نے ان کی مدد کی آوازیں بھی نہیں سنی تھیں۔
بریونا کاسیل کے والدین نے بتایا کہ حادثے کے بعد چوٹوں کے باعث بیٹی کے لیے ٹانگوں کو ہلانا ممکن نہیں رہا تھا۔
خاتون کا فون بھی چارج نہ ہونے کے باعث بند ہوگیا تھا جبکہ اپنے سویٹر کی مدد سے انہوں نے قریبی جگہ سے پانی حاصل کیا۔والدین نے بتایا کہ وہ شدید تکلیف کا۔شکار تھی اور مدد کے لیے چیختی رہی۔
