عید الفطر کے تینوں دن اڈیالہ جیل کے باہر احتجاج کریں گے : جنید اکبر

26 مارچ, 2025

Will protest outside Adiala Jail on all three days of Eid-ul-Fitr: Junaid Akbar

چیئرمین پبلک اکاؤنٹس کمیٹی جنید اکبر خان کا کہنا ہے کہ پی ٹی آئی کے کارکنان عید الفطر کے تینوں دن اڈیالہ جیل کے باہر احتجاج کریں گے۔

پی ٹی آئی خیبرپختونخوا کے صدر جنید اکبر خان نے کہا کہ اگر حکومت حزب اختلاف کی اہم جماعت کے ساتھ بات چیت کرنا چاہتی ہےتو اسے پہلا قدم اٹھانا ہوگا اور مذاکرات میں اپنی سنجیدگی کا مظاہرہ کرنا ہوگا۔

جنید اکبر خان کا کہنا تھاکہ اپوزیشن اتحاد میں سب کچھ مثالی نہیں لیکن اتحاد کو مضبوط بنانے کی کوشش کی جارہی ہے۔

رہنما پی ٹی آئی جنید اکبر نے کہاکہ تحریک تحفظ آئین پاکستان (ٹی ٹی اے پی) کی جماعتیں ہماری حمایت کررہی ہیں،اب ہم ان سیاسی قوتوں کی حمایت حاصل کرنے کی کوشش کررہے ہیں جو پارلیمنٹ کا حصہ نہیں ہیں،ہم نے جماعت اسلامی کی قیادت سے بھی رابطہ کیا ہے اور مجھے پوری امید ہےکہ صورت حال میں بہتری آئے گی۔