پاکستان سےمیانمارکےزلزلہ متاثرین کیلئے امدادی سامان روانہ

پاکستان نے زلزلے سے متاثر ہونے والے ملک میانمار کے لیے امدادی سامان روانہ کر دیا۔
پاکستانی وزرات خارجہ کے مطابق بحران کے وقت بین الاقوامی تعاون کے اپنے عزم کو مدنظر رکھتے ہوئے، پاکستان نے حالیہ زلزلوں سے متاثرہ افراد کے لیے میانمار کو 70 ٹن امدادی سامان روانہ کیا ہے۔
وزیر پارلیمانی امور طارق فضل نے 35 ٹن وزنی پہلی پرواز کو روانہ کیا۔ قبل ازیں وزیراعظم شہباز شریف نے میانمار کے ہم منصب سے بات کرتے ہوئے میانمار کے عوام کے ساتھ یکجہتی کا اظہار کیا اور انہیں تباہی کے پیش نظر ہر ممکن مدد کی یقین دہانی کرائی۔
واضح رہے کہ گزشتہ دنوں میانمار اور اس کے پڑوسی ممالک میں شدید زلزلہ اایا تھا، جس کے نتیجے میں سینکڑوں شہری ہلاک ہوگئے، جب کہ وسیع پیمانے پر املاک بھی تباہ ہوگئی ہیں۔