اداکارہ زارا نور اولاد کے صدمے سے دوچار ہو گئیں

زندگی میں عروج و زوال آتے رہتے ہیں، کبھی خوشی تو کبھم غم، انسان زندگی کے دوران سبھی لمحات کو برداشت کرتا ہے، معروف پاکستانی شوبز جوڑی زارا نور اور اسد صدیقی نے بھی اپنی زندگی کے غمگین لمحات کو مداحوں سے شیئر کرتے ہوئے بتایا ہے کہ انکا نومولود بیٹا انتقال کر گیا ہے۔

اداکار اسد صدیقی نے بتایا کہ ان کے ہاں شادی کے بعد پہلے بچے کی پیدائش ہوئی تھی جو فوت ہو گیا، یہ پیدائش قبل از وقت ہو گئی تھی جس کے باعث بچہ زیادہ عرصہ زندہ نہ رہ سکا اور اللہ کو پیارا ہوگیا۔ اسد صدیقی کے مطابق ہمارا بچہ ضائع نہیں ہوا بلکہ زارا نے ایک بیٹے کو جنم دیا تھا، بیٹے کا نام ہم نے ’’اورنگزیب‘‘ رکھا تھا، شروعات میں چیزیں کافی اچھی تھیں لیکن بعد میں کچھ پیچیدگیاں ہوئیں اور ہم نے اللہ کی مرضی سے اپنے بچے کو کھو دیا۔ اداکار نے بتایا کہ بچے کی پیدائش پانچویں یا چھٹے ماہ میں ہوئی تھی جس کی میں نے خود اپنے ہاتھوں سے تدفین کی، انہوں نے بتایا کہ اس سانحہ کے بعد زارا کی حالت کافی خراب ہوگئی تھی اور وہ ابھی تک صدمے سے باہر نہیں آ ہائیں۔

2021 میں نیٹ فلکس پر سب سے ذیادہ ہٹ فلمیں اور سیریز

اسد صدیقی نے کہا مجھے لگتا ہے کہ بچے کی موت مرد سے زیادہ عورت کو متاثر کرتی ہے کیونکہ وہ بچے کو نو مہینے پیٹ میں رکھنے کے بعد جنم دیتی ہے۔ انہوں نے کہا کہ اللہ تعالیٰ نے بلا وجہ عورت کو اتنا بڑا مقام نہیں دیا اور اور اگر اس کے پاؤں تلے جنت ہے تو اس کی کوئی وجہ ضرور ہے۔

اسد نے بتایا کہ یہ وقت ہمارے لیے خاصہ مشکل ہے لیکن میرا ماننا ہے کہ ہر کام میں اللہ کی کوئی نا کوئی مصلحت ہوتی ہے، اس پر مجھے افسوس ہے لیکن انسان کا دکھ تب ختم ہو جاتا ہے جب وہ یہ سوچ لیتے ہے کہ اوپر کوئی ذات ہے جو آپ کے معاملات دیکھ رہی ہے، وہ اسے اس سے بھی بہتر عطا کرے گی جو آپ سے چھین لیا گیا ہے۔

اداکار نے صارفین کی جانب سے کیے جانے والے منفی تبصروں پر مایوسی کا اظہار کیا اور کہا کہ میں کبھی کبھار کمنٹس پڑھتا ہوں، لوگ آپکو پرکھنے لگ جاتے ہیں، اور یہ جانے بغیر کے اگلا بندا کس پریشانی یا کرب سے گزر رہا ہے۔