آرمی چیف کی سعودی ولی عہد سے ملاقات، پاکستان کے ساتھ تعاون پر شکریہ ادا کیا
آرمی چیف جنرل عاصم منیر نے دورہ سعودی عرب میں ولی عہد محمد بن سلمان سےملاقات کی ہےجس میں خطے میں امن و استحکام اور دفاعی تعاون بڑھانے پر اتفاق کیاگیا ہے۔
پاک فوج کےشعبہ تعلقات عامہ (آئی ایس پی آر) کی جانب سےجاری بیان میں بتایا گیا ہےکہ آرمی چیف جنرل عاصم منیر سعودی عرب کےسرکاری دورے پر ہیں، جہاں ان کی ولی عہد محمد بن سلمان سےملاقات ہوئی ہے۔
آئی ایس پی آر کے مطابق ملاقات میں باہمی دلچسپی کےامور پر تبادلہ خیال کیاگیا اور خطے میں امن و استحکام اور دفاعی تعاون بڑھانے پر اتفاق کیاگیا۔
پاک فوج کےشعبہ تعلقات عامہ کےمطابق آرمی چیف جنرل عاصم منیر نے سعودی قیادت کی جانب سےپاکستان کی حمایت پر اظہار تشکر کیا۔
آئی ایس پی آر کےمطابق جنرل عاصم منیر نے سعودی وزیر دفاع شہزادہ خالد بن سلمان سےبھی ملاقات کی،مزید بتایاکہ آرمی چیف اور سعودی حکام نے دفاعی و سکیورٹی تعاون مزید مضبوط بنانےکا عزم بھی کیا۔
نئی ترمیم کے بعد کیا جنرل عاصم منیر بھی 10 سال چیف رہیں گے ؟
سعودی وزیر سرمایہ کاری خالد بن عبدالعزیز الفالح
واضح رہےکہ 10 اکتوبر 2024 کو آرمی چیف جنرل سید عاصم منیر کی پاکستان کےدورے پر موجود سعودی عرب کے وزیر سرمایہ کاری خالد بن عبدالعزیز الفالح کی سےملاقات ہوئی تھی، جس میں مختلف شعبوں میں برادرانہ دوطرفہ تعاون کو مضبوط بنانے کے اقدامات پر تبادلہ خیال کیاگیا تھا۔
آئی ایس پی آر کی جانب سےجاری بیان میں بتایاگیا تھا کہ آرمی چیف نے شاہ سلمان بن عبدالعزیز،ولی عہد شہزادہ محمد بن سلمان کی پاکستان کےلیے غیر متزلزل حمایت کا شکریہ ادا کیاتھا۔
آئی ایس پی آر کاکہنا تھاکہ ملاقات میں باہمی دلچسپی کے امور بالخصوص مختلف شعبوں میں برادرانہ دوطرفہ تعاون کو مضبوط بنانےکے اقدامات تبادلہ خیال کیاگیا۔
سعودی تجارتی وفد کادورہ پاکستان اور سعودی عرب کےدرمیان پائیدار اور برادرانہ تعلقات کا مظہر ہے۔
پاکستان کی مکمل حمایت کی یقین دہانی
آرمی چیف جنرل سید عاصم منیر نےکہا تھاکہ پاکستانی عوام سعودی عرب کےلیے گہری عزت اور محبت رکھتے ہیں،آرمی چیف نے سعودی وفد کو پاکستان کی مکمل حمایت کی یقین دہانی کرائی۔
