پاکستانی فلم انڈسٹری کے نامور ہدایت کار الطاف حسین انتقال کر گئے
پاکستان فلم انڈسٹری کے سینیئر ہدایت کار الطاف حسین انتقال کرگئے۔
الطاف حسین طویل عرصے سےعلیل تھے، انہوں نےچند روز قبل اپنی نئی پنجابی فلم ”تیرے پیار نوں سلام“ کی شوٹنگ کا آغاز بھی کیاتھا۔
الطاف حسین نے اپنے کیرئیر کے دوران 80 سےزائد فلموں کی ہدایت کاری کی، ان کی مشہور فلموں میں دھی رانی،رانی بیٹی راج کرے گی،مہندی، اک پاگل سی لڑکی،مرد سالا صاحب،دنیا، صاحب جی،حسن کا چور،چار خون کے پیاسے، مرد جینے نہیں دیتے اور چوہدری بادشاہ، سمیت دیگر شامل ہیں۔
الطاف حسین کی عمر 79 سال تھی، انہوں نےاپنے پسماندگان میں ایک بیٹا، ایک بیٹی اور بیوہ چھوڑےہیں۔
الطاف حسین کےانتقال پر شوبز شخصیات نے اظہار افسوس کرتےہوئے ان کی موت کو فلم انڈسٹری کےلیے بہت بڑا نقصان قراردیا۔
