حماس کاجنگ بندی معاہدے پرعملدرآمدکااعلان
حماس نے اسرائیلی قیدیوں کی رہائی،جنگ بندی معاہدے پرایک بارپھرعملدرآمد کرنے کا اعلان کردیا۔
حماس کا کہنا ہے کہ اس کے نمائندوں نے قاہرہ میں مصری اور قطری ثالث کاروں سے جنگ بندی شرائط سےمتعلق بات چیت کی جس دوران فلسطینیوں کیلئےرہائش، خیمے، طبی سامان، ایندھن اور دیگر امداد کی مسلسل فراہمی پربات چیت بھی ہوئی۔ثالث کاروں نےمعاہدے پرعملدرآمد میں حائل رکاوٹوں کو دورکرنےکی یقین دہانی کرائی ہے۔
حماس رہنما نےکہا کہ وہ طے شدہ جنگ بندی معاہدے کےتحت طے کردہ ٹائم ٹیبل کے تحت قیدیوں کے تبادلے سمیت دیگر چیزوں پر عمل درآمد کریں گے۔
واضح رہے کہ اس سےقبل اسرائیل کی جانب سے جنگ بندی ڈیل کیخلاف ورزیوں پر حماس نے اسرائیلی یرغمالیوں کو رہا نہ کرنےکا فیصلہ کیا تھا جس کے بعد امریکا اور اسرائیل نے ردعمل دیتے ہوئےکہا تھا کہ اگر ہفتے تک یرغمالی رہا نہ کیے گئے تو جنگ بندی ڈیل ختم ہوجائے گی۔
