سعودی عرب جانےوالےمسافروں کیلئےپولیو ویکسینیشن لازمی  قرار

سعودی عرب جانےوالے مسافروں کیلئےپولیو کی ویکسینیشن لازمی قرار دے دی گئی ہے۔

سعودی عرب کی حکومت کی جانب سےجاری کی گئیں نئی سخت ہدایات کی روشنی میں گزشتہ کئی روز سے مسافروں کوائیرپورٹس پر دشواری کاسامنا کرنا پڑ رہا ہے اور اس حوالے سے سعودی سول ایویشن(گاکا) کی جانب سےمراسلہ جاری کردیا گیا ہے۔

پی آئی اےکے ترجمان عبداللہ خان کی جانب سےجاری بیان میں کہا گیا کہ سعودی عرب جانے والے مسافروں کے لیے پولیو کی ویکسینیشن لازمی قرار دے دی گئی ہے۔پولیو ویکسینیشن سعودی عرب کا سفر کرنے سےکم از کم4ہفتے قبل لگوانا لازمی قرار دی گئی ہےمگر6 ماہ سے زیادہ پرانی بھی نہیں ہونی چاہیےاور پولیو ویکسینیشن ہر مسافرکیلئےلازمی ہے چاہے وہ عمرہ ویزے پرہوں یاسیاحتی ویزے پر یا اقامہ پر ہوں۔

ترجمان نے بتایا کہ وہ مسافر حضرات جوسعودی عرب کے کسی بھی ائیر پورٹ پر 12 گھنٹے سے کم کا ٹرانزٹ کریں گےان کیلئےویکسین لگوانا ضروری نہیں ہے۔

عبداللہ خان نے کہا کہ ویکسینیشن سرٹیفیکٹ پر گورنمنٹ یا پرائیویٹ اسپتال کی مہر لگوانا لازمی ہے، لہٰذا ایسے تمام مسافر حضرات جو سعودی عرب کا سفر کرنے کا ارادہ رکھتے ہیں، ان سے التماس ہے کہ ائیرپورٹ آنےسےقبل ویکسینیشن سرٹیفیکیٹ ہر صورت میں ساتھ لائیں۔

انہوں نے کہا کہ بغیر سرٹیفیکیٹ کے سعودی عرب کاسفرکرنے کی اجازت نہیں ہوگی لہٰذا دشواری سے بچیں  اور مذکورہ ہدایات تمام ائیرپورٹس اور تمام ائیرلائنز کے ذریعے سفر پر لاگو ہوں گی۔