چیئرمین پی ٹی آئی عمران خان کی نااہلی کی درخواست دائر کرنے والے وکیل عبدالرزاق شر کے قتل کیس میں جے آئی ٹی نے چیئرمین پی ٹی آئی کو تفتیش کے لیے طلب کر لیا ہے۔

ایک سینئر پولیس اہلکار نے اس کی تصدیق کرتے ہوئے بتایا کہ تحریک انصاف کے سربراہ کو 26جون کو ذاتی حیثیت میں طلب کیا گیا ہے۔

اہلکار کے مطابق جوائنٹ انویسٹیگیشن ٹیم نے انھیں ضابطہ فوجداری کے شق160کے تحت نوٹسجاری کیا ہے۔ اہلکار کا کہنا تھا کہ سربراہ تحریک انصاف کو یہ نوٹس لاہور پولیس کے زریعے وصول کروایا جائے گا۔

انھوں نے بتایا کہ سربراہ تحریک انصاف جے آئی ٹی کے سامنے پیش ہو کر اپنا بیان ریکارڈ کروا سکتے ہیں اور اپنی بے گناہی سے متعلق شواہد فراہم کر سکتے ہیں۔

خیال رہے کہ سربراہ تحریک انصاف پر سپریم کورٹ کے سینیئر وکیل عبدالرزاق شر کے قتل کا مقدمہ درج ہے۔ بلوچستان حکومت نے سی ٹی ڈی کے ڈی آئی جی کی سربراہی میں جے آئی ٹی تشکیل دی ہے جو واقعے کی تحقیقات کر رہی ہے۔

عبدالرزاق شر ایڈووکیٹ نے عمران خان کے خلاف غداری کے مقدمے کے اندراج کے

خواتین سے متعلق افغان حکومت نے یو این رپورٹ کو مسترد کر دیا

لیے بلوچستان ہائی کورٹ میں درخواست دائر کی تھی۔