نیب کرپشن کو پروموٹ کرتا ہے : علی امین گنڈاپور

وزیر اعلیٰ خیبرپختونخوا علی امین گنڈاپور کا کہنا ہے کہ نیب کرپشن کو پروموٹ کرتا ہے جب کہ نیب صرف انتقام کا نشانہ بنانے کےلیے استعمال ہو رہی ہے۔

انسداد بدعنوانی کے موضوع پر منعقدہ تقریب سے خطاب کرتے ہوئے وزیر اعلیٰ خیبرپختونخوا علی امین گنڈاپور نے کہا کہ ہم نے اب تک اپنے آپ سے احتساب شروع نہیں کیا،جس دن کرپشن کو برا ماننا شروع ہوا تو کرپشن ختم ہو جائے گی۔

علی امین گنڈاپور نے کہاکہ عمران خان کو کہا تھاکہ کرپشن کے خاتمے کےلیے سسٹم بنانا ہوگا،ہم کرپشن ماننے سے انکار کرتےہیں لیکن کرتے ہیں اور مذمت کرنے کے باوجود ہمارے سامنے کرپشن ہو رہی ہے۔

انہوں نےکہا کہ تھانوں میں رشوت چلتی ہے،پٹواری بھی پیسے لیتا ہے،لوگوں کو بتایا جاتا ہےکہ 8 کروڑ جمع کرادو تو جیل نہیں جاؤگے۔

ان کاکہنا تھاکہ نیب کرپشن کو پروموٹ کرتا ہے اس پر اربوں روپے خرچ ہو رہے ہیں، نیب صرف انتقام کا نشانہ بنانے کےلیے استعمال ہو رہی ہے۔

وزیراعلیٰ علی امین گنڈاپور نےکہا کہ اخلاقیات کا معیار گر چکا ہے،پیسوں کی بجائے سکون اور برکت مانگنی چاہیےجب کہ گھروں میں کرپشن پر خاموش ہو تو اس ماں کےقدموں تلے جنت نہیں مانتا،جنت والی ماں الگ ہوتی ہے۔

علیمہ خان اور دوسری بہنوں نے کبھی کوئی سیاسی اعلان نہیں کیا: خاندانی ذرائع عمران خان

انہوں نےکہا کہ معاشرے میں کرپشن ہو رہی ہے اور ہم اس کا حصہ ہیں،اتنے سال گزرنے کےبعد کرپشن ختم نہیں ہو رہی جب کہ حکومت بننے کےبعد 44 فیصد ریونیو بڑھایا ہے۔