نوجوت سنگھ سدھو کپل شرما شو میں واپس آگئے

نوجوت سنگھ سدھوکی جانب سے سوشل میڈیا پلیٹ فارمز پر شو کا ٹیزر شیئر کیا ہے جس میں انہیں کپل شرما شو میں شرکت کرتے دیکھا جاسکتا ہے۔

ٹیزرمیں ارچنا کو کپل سےاپنی کرسی واپس لینے کی درخواست کرتے ہوئےدیکھا جاسکتا ہے۔یہ بات قابل ذکرہے کہ کپل شرما شو کے پرومو میں سنیل گروور بھی سدھو کا کردارادا کرتےہوئے شامل ہیں اور خوب ہنسی مذاق کر رہے ہیں۔

ٹیزر میں دکھایا گیا ہے کہ شو میں سابق بھارتی کرکٹر ہربھجن سنگھ بھی اپنی اہلیہ گیتا بسرا کے ساتھ شرکت کررہے ہیں۔

سدھو کی پوسٹ پر مداحوں کی جانب سےخوشی کا اظہار کیاگیا ہےمداح کامیڈی شو میں ان کی واپسی پر بےحدخوش ہیں۔

واضح رہے کہ سدھو کی غیر موجودگی میں ان کی نشست پر اداکارہ ارچنا پورن سنگھ نےجگہ لے لی تھی اور وہ اب تک شو میں شریک ہیں تاہم تب سے ہی ناظرین میں اکثر یہ سوال کیا جا رہا تھا  کہ کیا سدھو شو میں واپس آئیں گے یا نہیں۔

ہانیہ عامر نےشادی کی خبرشیئر کردی

یاد رہے کہ2019  میں پلوامہ حملے پر سدھو کے ایک بیان کے بعد بھارت میں تنازعہ کھڑا ہوگیا تھا، جس کے بعد انتہا پسند ہندوؤں نے ان کے خلاف مظاہرے شروع کیے اور شو سے ان کی برطرفی کا مطالبہ بھی کیا تھا۔ اسی دباؤ کے پیش نظر شو کی انتظامیہ نے سدھو کو شو سے الگ کر دیا تھا۔