جنوبی کوریا : تباہ کن جنگلاتی آگ سے 19 افراد جاں بحق

جنوبی کوریا کےجنگلات میں آگ لگنےسے 19 افراد ہلاک اورہزاروں بےگھر ہوگئے۔

غیرملکی میڈیا کےمطابق آگ جنوبی کوریا کےمشرقی علاقوں کے 12 مقامات پر لگی جس کے نتیجے میں اب تک 19 افراد ہلاک جبکہ ہزاروں افراد بے گھر بھی ہوئےہیں۔

رپورٹ کےمطابق جنگلات میں آگ 5 دن قبل لگی تھی جو مسلسل پھیلتی جا رہی ہےاورجنگل کی آگ نے اب تک 991 ایکڑ رقبےکو اپنی لپیٹ میں لےلیا ہےجبکہ آگ کی وجہ سے 27 ہزار افراد نکل مقانی پرمجبورہوئے ہیں۔

مصر کی غزہ جنگ بندی معاہدے کی بحالی کیلئے نئی تجویز پیش

غیر ملکی میڈیا کا بتانا ہےکہ ریسکیوکارروائیوں میں مصروف ہیلی کاپٹر بھی گرگیا جس کے نتیجے میں پائلٹ ہلاک ہوا جب کہ آگ کی شدت کےباعث ایمرجنسی الرٹ جاری کرتےہوئےحکومت نے جیلوں سے قیدیوں کودوسری جگہ منتقل کر دیا ہے۔

رپورٹ کے مطابق آگ نےسڑکیں اورمواصلاتی نظام معطل کردیا ہےجس کی وجہ سے امدادی کارروائیوں میں مشکلات کا سامنا ہے۔